Jesu-ah ã ami ng’shi lo among.
Ng’Bum im-ah gok neh a m’thei gùi zah ung k’tài-gü ng’vái gùi lah k’chàng ng’vái gùi nawhBáwi cuh, k’et u neh “Nang nawh sin cuh a i ã-awn na ci ci-ang? Cun-ah ã, a u nawh ning pe-ci ang?” ci ci gùi. Jesu nawh piéin tu bà neh “kei phih tumat ka ning ng’si gùi khai. Nami na m’sàng-ung sin gùi a i ã-awn ka bi ka ning m’thein gùi khai. Johan-ah m’sinák cuh, ahôi-a kah ang? Khãnpùghí-a kah ang? k’chàng gùi-a kah ang?” Ami mät gùi nawh ng’cuh neh ami piéin cuh, Khãnmòpí-a kah, mi ci-ung, “Cun-ung, a i-ah kia hleih ani kä nami zùm ci ang?” ci bà khai. k’Chàng gùi-a kah, mi ci-ung, k’chàng gùi kiüh gùi vai-ah kia ci. Johan cuh, ce ng’sä-ah ng’ngài ci gùi,” ci-ah ng’ngài u nehtah “Kä kami hmat ci,” ci-ah Jesu-am m’sàng bà ci gùi. Báwi nawh phih, “A i ã-awn sin gùi ka bi, nangmi àm kä ka piéin khai,” ci ci.
