Papa Shangpughang Leo ah ng’thu
Papa Shangpughang no shih nak ng’ngahtüh vai. Mi mi gui ah kho m’dek k’khan ah hngün cu a k’däih ah ghün om nak vai na pyan peit gui ciah kya ci. K’chang gui ah shih nak cu a í hlok cha mi hnguh ci ang? ci ah ng’shi k’ca cu ng’ngahtüh ne Boi Yesu a ghün lo ba ah m’yung aa shui ne hnguh vai ah ghünlu ah ng’päng nak cu mi ng’ngahtüh vai ah na k’nga phlang gui ci. shih nak cu a k’cang om ci. Cang khai ah om ah ng’thup ci ah a mong cu Khanmopi ghinkho a k’cang ah lo püi ci ci cu hmat vail ah ka hlü ci gui nong ne kya ci gui awn mi mät no mi mät chit khon vai ah k’taigü ah kya ci. Kho m’dek ah k’khan ah mi mi gui ah hngün cu a k’cum ah ghin nak vai ah na pyan pe gui ci ci cu mi shüm ba vai ah kya ci. Shih nak ah thuuk ciah a mong cu k’chang gui ung a k’cum ah thuuk ciah k’shi k’ca nak ng’dang hlak ciah kya ci.
Mi mi gui a van cu mi m’hngi yei nak gui ka vail ah mi mät ka vai ah ghünlu lah a k’cum ah ghün nak mi ng’yak hlü ciah kya ci. Shih nak ci cu ghün om nak awn ng’hngu ng’tuk ciah kä kya ne a ng’däih ah ghün nak vai lam ah kya ci. ghün om yah ung yaica nak gui buiawt awn be ciah kya hleih Shi lo kon ah kya khai gui cu ma ne cam tu ah kya ci. Shih nak ung ah ghüng lo ba ciah Boi Yesu cu Shih nak ah däm ciah yai ca na awn mi ma lam ah hteit ne Khanpughi ah m’hngi nak lah m’yung aa awn shih nak m’chüt ne ghüng lo ba ciah kya ci. Boi Yesu a ghin lo ba a mong cu ng’ngaih u yum ne shih nak vai ng’äih ne om cu shih lo ung a k’cum ah ghün nak kä om ba khai ci ne mi kyüh nak gui ung ka no na ghung gui ne a k’cum ah yeikyai nak vai ah na pyan peit gui ciah kya ci.
