Mindat k’taigü Mang Augustine Kyuk ah hteit neh a Hto ng’nawng teng gui ci.

Mindat k’taigü Mang Augustine cuh December k’cha a k’cheit nak ung Msgr. John Om Se ni, Secretary Bawiphaya Näng Shui ni, RVA bi ci ah Bawiphaya Ling Maung ni lah Maamah goi hngih ni cuh Kyuk ah hteit ci gui. A cun a hteit nak ung K’taigü Mang lah m’gu tu ci gui cuh hngi m’khin a k’phli nak ung Kyuk pigo ah gok ci gui. Pigo lut nak ung K’taigü Mang cuh do chang u neh a pigo k’om gui noh tup khawng neh ng’lam neh do ci gui. Cun ng’pyi lo hleih St. Mary ng’bumim ah hteit u neh St. Mary boarder k’om gui neh ng’lam neh do ba ci gui. Cun kon a K’taigü Mang noh m’cäi nak a pi pyein neh do chan nak cuh ng’phleh ci. Adventu a hngih nak a kyün k’hngüp ung k’taigü Mang noh khong mang neh Missa gänap ci gui. M’cäi nak ung ” RC ung k’chang a da vai ah tah a pi om ung phih yum nak ung däm da vai hlü ci ci neh pyein ci. K’chang a da vai Khanpughi ah bi bi ah kä kya ci. Khanpughi yum nak a phäh ah mi bi ca kya ci. Catholic ung mi yum cuh mi m’dang khai” ci neh pyein ci. A cu mü cuh K’taigü Mang do chan nak a ng’lam ci gui. December k’cha a k’ko nak ung k’taigü Mang ni cuh kyuk ung ka noh Mindat a lo ba ci gui.