Khomdek ka vai ktàigünak
A i phih mchüt ca Kkhânpùghí o,nang Bói cuh a ngmüng k’om päng avan lah ak’yô pilit pi kbäih ah kya ca a hngün kghìng gui on atäng ah na om ci.Nang Bòi noh a hngùn kghìng avan cuh na mhngî kchîmgêin nak on na kpòm ci.Keimi cuh hngùn lah kyómhtàng nak kami ghun mhtéi hnging vai ah keimi ah kkhân ah na mhngî nak ah kthagui na lòn kkéi pe gui ä.Keimi cuh kchàng avan on ngphäí ngnà kchü vai hlü ah ngpòng ng’óp om ip u neh a u phih m’yái mcâ hlü ca mlùng kä om en hnging vai keimi gui amdìmkyäp nak ah khoh na pe tu gui ä na kbé hlak gui ä.Dú khaih ci gui ngäng mhtéi ca Kkhânpùghí o,na mà ah tanphù na thà ah khòmdek ah kkhân ah ami nong gui,ami khmih gui na kphyón hnging ah phäh ah na gung htót ei to.Keimi gui cuh khòmdek kkhì hlá vai hlü ah kä mdí en neh kami ghun mhtéi thêi vai,keimi gui cuh khò kkhì ah thûshîn nak lah mdí mdam nak hlôi neh kyómhtang ca mshímcangkami phú hnging vai kami mlùng kkyòng ung kä ngyák hlü ah mlùng ngngaih gui na mtùi mhleih na mgü mgái tu ba gui ä.Dú khai ci gui lah khòmdek a dí vai kä hlûi tä neh ami mät ka vai bäng teng ci gui ah ami mlùng tòn yap gui neh mthong mhlat gui ä.Keimi gui am a hngùn kghìng päng tanphù thà neh yùm mnài vai gui na ngah-tüh hlak gui neh nütdòng neh kä gah ah akkhâng ah kya ca Bói on kami ngcut ngdòn ah mòòng na hmat hlak gui ä.Keimi gui on atäng ah na om ah phäh ah kami ning shüm hmat ci.Tàgá nak mhngî nak lah dìm kyäp nak ah phäh ah kthá na ci gui ah keimi gui am kthágui na pe neh na gung gui vai ah kami ktàigü lo ci nei Kkhânpùghí o.Papa Shangpùghang Francis nohkhòmdek ka vai aha pyân ah ktàigü.
