Roman gàkáp Báwi-ah k’chàng säm, a m’gái bà.

Cu kon-ah, Jesu cuh Cãrpharnaum pigò-ah a gok lo am, Roman gàkáp báwi tumat, a pèi-ah lo neh a ng’hui lonák cuh “Báwi aw, ka phàn-ah k’chàng cuh akut khaw ng’gúng hleih zái neh im-ah ng’zän ci.” Jesu nawh phih, “Lo neh ka m’gái bà khai” ci ci.  Ga báwi nawh “Báwi aw, ka im-ah nà lonák vai-ah, kä kani ’ci; a cung phih na m’cäì eìn düit-ä: ka phàn-ah k’chàng cuh, gái èi lo bà khai néi. A i-ah kia hleih ci ung ka mät cuh gà-káp báwi htá-ah kia neh kei-ah ’kã-ah phih, gà-káp gùi om ci gùi. Gà-káp tumat-àm: hteit-ä, ka ci ung hteit ci; Lo-ä, ka ci ung lo ci. Ka phàn-ah k’chàng àm phih, sin na bi vai ka ci ung bi ’ci” ci neh m’sàng bà ci.  Cun-ah a piéin cuh, ng’zák neh Jesu nawh zùm neh ng’läk tu ci gùi àm, “A k’càng-ah ka ning m’thein tu gùi cuh  Israel pa-khúi ung sin hlok-ah ni hleih zùm ci, tumat phih kä ka hnguh pha ci. Nangmí gùi àm ka piéin cuh, k’chàng k’hlí k’hngi-lo lah k’hngi kiák lam-a kah lo u neh Khãnmòpí ghin-khaw-ah, Abraham ni Isaac lah Jacob mah-ah ng’la tu khai gùi.  A cun-ah khàw k’om gùi läí cuh a k’hmüpnák-ah a k’pùng-ah k’täm gùi-ah kia khai. A cun k’hmüp khùi-ah, Thüi kiahnák lah hà ’kietnák om khai,” ci neh piéin nehtah Gà-káp báwi àm, “hteit bà -ä. Na zùm äp-a hlo-ah kia hlä,” ci ci. A cun zah mät ung a phàn-ah k’chàng cuh, gái bà pi ci.

Bawi mi yum cuh mi m’dang vai hlü ci. Ga kap a yum nak cuh däm ci. Bawi ah k’chü m’kha cuh a ng’yung-aa be ci ci cuh hmat ci. Cun a kya hleih Ga kap noh Bawi cuh m’chüm kha vah pyein hlak ci. Mikmi phih Ga kap a yum nak cuh mi läk tu thei vai a kya ci.