Bä ciah Edmund ah ghünlu a mòng

 England Ghunkho hliip lam uk ciah  Shangpughang Edmund cu Saxon pak’khui k’chang ung ka no ng’tüi om lo tu ciah kya ne Christian k’kyawng khui  ung ka no ng’vai lo ciah kya ci. A ni no a uk yah ung Danes pak’khui k’chang gui cu Edmund no a uk ah kho m’dek pum ung lut ne uk lo ci gui ah kya ci. A ni cu a cun ah a kho ung gok lo ci gui a k’täm gui vai ah gak’kap ng’bum tumat am khong mang hlak ciah kya ci. Cun tu pang ah phih kä aung tang hleih ngami gui a van pha gui ne a mi khah püi gui ah kya ci. A mi kho m’dek gut gui ciah khong mang k’chang Ingwar no a ghü vai ah mong goi pe hleih Edmund no dam ciah kya ci. A cun ah a ghü hlak ah mòng goi cu Boi Yesu a yum nak a nong vail ah Kho m’dek gut ciah Kho mang k’chang Ingwar ah k’phan ah k’chang ah a kya vai ah k’hngih ung ka a mi ghü hlak cu a ni k’hngih a maa ah kya ci.

K’hmo k’tho kya ciah bä ciah Sabastian vai hlü ah täng ciah yaica nak ah ghünlu buiawt ciah Edmund cu m’la k’kap gui no a mi bü nak vai hlü ah a mi  ci ah kya ci. Cun kon ngami cu Suffolk om ciah Hellesden ci ah ng’ming nak ciah lai tumat ah khah püi ne a lu k’ke m’chünpit ne a mi ngon ah kya ci. Christu kum 869 ung a ni cu khom’dek co ne k’phuh u ne ta Christu kum 915 ung a mi k’phuh nak ung ka laat ba ne a mi teng ba te a gôk cu kä thuk hleih hngu ci gui ah kya ci. A cun ung ka no a gôk cu Bedricsworth ung k’plon ne St. Edmund m’cümhngün ci ne a ng’ming a mi hlui ah kya ci. Christukum 915 ung a ni ah Mâng kuu ung a mi m’düih ah a ng’htoi cu Benedictine ci ah ng’ming awn a kya ah hlüngtai lo ciah kya ci. A ni ah üm na ne shüm vai gui ah ng’kho cu kho kum a daa lo ah hlo ah a hoi ah om ci ci cu a u no kä hmat ba ci ah kya ci.