Heckeborn Mânggo ung ka Bä ciah Mechtild ah ghünlu a mòng

Saxony, Helfta mânggo ung om ciah Benedictine Mamah ng’htoi cu AD 13 ung om lo ciah a hei kyawng gui ah ta bä tu ba ciah m’dang nak hnguh ci gui ah k’chang k’bä gui no a mi om nak man ah im nu tumat ah kya ci. Helfta mânggo ung ka Gertrude ah “The heral of Divine Love” ci ah mong awn a mi guk ah ca uk cu a tuh ghüt ah chüt hleih om ciah kya ci. Mafdeburg mânggo ung ka Mechtild no  “The Folloing light of the Godhead” ci ah ng’müi m’cha lam a mi guk ah tuh güt chüt om ci cun phih a guk ah kya ci. Heckeborn mânggo ung ka Mechtild cu a kho kum k’chüih ung Mamah ng’htoi un glut tu ciah kya ci.

A cun ung ka no Gertrude cu a ni ah nu vai hlü ah kya lo ci. Mechtild ah k’chang gui awn kä täng ein ciah Khanpughi ah m’dang gui a hnguh nak cu a k’hmo yah ge ung tün ciah kya ci. A ni no maapi k’bäih ne m’dang nak a hnguh cu Boi Yesu ah a shi lah a hla a ei cu yah ung Boi Yesu mät a hnguh ah kya ci. A hei kum gui ung a hei k’chang gui no phih Mechtild ah hnguh ah hlo ah hngu tuk ciah kya ci. Mechtild cu a ni awn a täng ah om ne k’taigü ci gui no a mi m’nai, a mi ngak tu ah kya ci. A ni cu a hnguh ah m’dang nak gui k’phlan ne kya hleih a cun ah mong lam gui cu Gertrud no k’bum ne a guk ah kya ci. A cun ah ca uk cu “The book of Special Grace” ci ah ng’ming awn a mi yoih tuk lo ah kya ci. Christu kum 1928, November k’cha 19 nak ung Mechtild cu shi ciah kya ci.