Jericho-ung, amik m’dah tumat m’dei ba lak ci.

 Jericho pigò pèi-ah ami gok lo zah-ung, amik m’dah tumat, ei ng’zòi vai neh lam pèi-ah ngoh te ci. K’Chàng a k’dá ami ng’nàwng lo cuh, ani nawh ng’za neh a i-ah a kia ng’si gùi hleih, Nazareth Jesu a lo-ah màwng m’thein tu ci gùi. A cun kon-ah ani nawh, “David-ah Htá Jesu-aw, na m’gein-èi ä,” ci neh m’lã mah neh ng’huinak ci. Mà ci gùi nawh adìng vai-ah m’htíng u hleih phih, ani nawh, “David-ah Htá Jesu-aw, kei na m’gein-èi  tu-ä,” ci neh ’khãn lo púi hleih ng’huinak ci. Cun-ah kia chü-tah Jesu ng’düm neh a mà-ah chü tu neh ami lo püi vai-ah, m’cäi gùi ci. A pèi-ah gok lo hleih Jesu nawh, “A i ka ning ci tu péit vai-ang?” ci neh a ng’si. Ani nawh, “M’Dei vai, Báwi-aw,” ci neh a m’sàng bà.  Jesu nawh phih, “M’Dèi-ä, na zùmnák-awn, na phiòng ci néi,” ci neh a piéin. A cun-ung a k’tén-ah hngu bà te ci. Cun kon-ah, Khãnpùghí zùm m’nài tu neh Jesu  läk tu ci. A màwng hnguh tu ci gùi, avan nawh phih, Khãnpùghí m’tam tu ci gùi.

Mikmi phih m’dei neh kä mi hnguh nak gui da ci. K’chang gui gunghtot nak kä om nak ni, duyai ci gui kä gung nak gui ni cuh da neh kä hnguh nak gui cuh Bawi aw na m’dei ba hlak gui ä ci neh mi k’taigü ko.