Khanpughi ah ghün kho among.

 K’Chàng-a htá-ah k’hngüp-ung, Nawhe-ah k’hngüp gùi-a hlo-ah kia lo khai.  Noah, tui zun im-ung a luh k’hngüp-ah chüt hleih èi-awk neh k’chucèi-mah neh om u hleih tuizin mü lo hleih avan dí zop ci gùi.   A cun-a hlo-ah, Lot, a om zah-ung phih kia te ci. Ei áwk hlum m’lèi, géit kó k’piü im neh om zah te ci gùi. Cun tu pang-a phih, Sodom pigò-ung-kah, Lot, a ng’düih lo k’hngüp, zàn-mei ã hleih avan dí ci. K’Chàng-a htá, a ng’dáng lo bà k’hngüp a cun-ah kia lo khai.

Cu k’hngüp, m’kiung-’khãn-ah om ci cuh khawh-tang la bà khai-ah, kä kium- èin bà hlä. Lái k’om phih, kä ng’hlat bà hlä.  Lot-ah  k’chú nami süm bà vai. A hngùn güm hlü ci nawh m’chüh khai. Ahngùn k’hmaih ci nawh ghin püi khai. Nangmí-àm ka piéin cuh, “Ip ci goi-ung-kah, tumat la neh tumat nong-ah kia khai. Hlum ng’gon ci goi-ung-kah, tumat la neh, tumat nawng-ah kia khai. Lái k’om  goi-ung-kah, tumat la neh tumat nong-ah kia khai.” Ngamí nawh, “Báwi-aw, ahòi-ang?” ci neh ng’si u hleih Ngamí-àm, piéin bà neh, “Gáwk a omnák-ah, làngtã gùi ng’bum lo khai gùi,” ci ci.