Kiám-ah ei, k’chàng ghà.

Cun zah-ung, Jesu cuh, Jerusalem-ah hteit vai neh Samari khaw lah Galilee khàw-ah ani ng’lak-ung, hlùnpah te ci. Pigò tumat-ung gok lo hleih kiám-ah ei, k’chàng ghà cuh, a na lo ci gùi. A k’hláng-ah ng’düí u neh,  “Jesu Báwi aw, na m’gein tu gùi-ä,” ci neh ’khãng hleih k’chü ci gùi.  Jesu nawh hnguh lo gùi neh “Nami käü, k’tài-gü gùi-àm k’hmuh tu gùi vä,” ci neh m’cäi gùi ci. Cun-ah ami hteh zah-ung, théing-thap lo bà zop ci gùi. Ngami-ung-kah, tumat nawh a gü bà cuh, hnguh lo neh ng’hlat lo bà nehtah ’khãng hleih Khãnpùghí m’tam neh Jesu-ah khaw kung-ah ng’ghot neh ng’bóp htá neh süm hmat ci. Ani cuh, Samari k’chàng-ah kia ci. Jesu nawh phih, avan ghà théing thap bà zop ci gùi-ah kä kia ci ang? A hei ’kõ mä, a hôi kia ci gùi ang? Khãnpùghí süm hmat vai neh sin-ah khaw hei k’chàng tumat bäng ng’hlat lo bà ci,” ci neh a ng’khái-ah piéin nehtah Ani-àm, “Ng’Düí lo bà neh na hteh bà vai. Na zùmnák nawh ning m’gü ci,” ci neh piéin ci.

Khanpughi shüm hmat vai cuh k’chang päng ung a om vai hlü ci. Shüm hmat thei ci cuh Khanpughi noh phih m’tam ci ci ah mi hmat ci. Khanpughi shüm hmat vai, Nu pa gui shüm hmat vai, na gung htot ci gui shüm hmat vai gui cuh khin kaa ca kya hleih mi läk tu vai mi k’tha nak ko.