Kchò ah ngtüî om lo nak
Kchò gui cuh Páihtalì ung ka noh ngtüì om lo ciah Kchò ng’äî kpyìm gui ung mi hmat hnging ci. Cun ah Páihtalì cuh hoi ang a om.Tayuk Paitleì Tûi Kbüm nu ung ka kya hnging ciah Bóiphàyà Mark Jordan noh a guk cun phih kya hnging ci. A i ah kya hleih ci ung Tibet Tayuk ung ka noh vah Myanmar gui cuh ngpài neh mi kyum lo ciah ah Myanmar ah mòòng guthén ci gui akdá pì nohami gukthén gui on phih ana ngguingkhong lo ba ca kya ci. Amshah noh ami pyéin nak gui ung Ayeyawady bo kä cung Chindwin Tûilìnú ung pong neh Kchòkhò ah mi om lo ah phih kya hnging ci ciah ami pyéin phih om ci. A i ah akya ung phih mi ngtüî om lo nak ah mòòng ng’äî kphyìm gui mi teng shüm ko.A cun ah ng’äî kphyìm gui ung phih Vakok Pìgò ah Ghìng Nglìng Phäí ah ng’äî kphyìm cuh van noh ami hmat ah a ngmìng thàng tu ba ca ng’äî kpyìm ah kya hleih ngkyüm tu ba khai ah ami ngngaih ah kya neh mi teng shüm ko.
Cun ah ng’äî cuh”Páihtalì ungcá ka khò kphyìmlèng ghüî vang. Bü ngtüì lo nehngshòn päng kkhêi nehng’äî shüm kong. Mshi kpyà hlói ungcá ka khò kphyìmlèng ghüî vang. Mshí ngshò lo mangshòn päng kkhêi nehng’äì shüm kong. Paihtali ungbü ngtüì lohlèigei phut khtùyih hlui lo.Mshì kpyà hlói ungmshí ngshò lo makhoitui nglung ka oi toi ei. Paihtali kkyüi li hei gí nehmshi kpya hloi ngthanghei hän neh. Pakan nyong ungyung khoakbü lo. Pupa mhtung ahkshei ah pupa mhtung ahngyung yu gì ghüt nehKyokka nglei laikho na nehshoiloi lung ngshanglung mshon lo. Shoiloi lung ngshanglung yu gì nehpungtong nganpahngan bü nehgèito vaiko khum lo neh. Geito vaikokhum lo nehUng Ywa KankiMung Ywa kankohlun lo nehkotcup hngün ahngyung nak ung.Koycup ktheghang nimanggo cáng cikhtükgo kkyóm ahngshong yah ung.Kotcup ku kyongmanggo khmoh nehdo bo lung ah mshon yah ungmshikoi lah hla kpèi pyein chei ni nehKcho lah mva ahnpai lo ung mä.
Kotcup gì nehmang gò hän nehmshigüng hloi longkhò nak ba. Mshi güng khlòi unglung yu gì nehkhmá nglei ngghèng longkhò na nehNglung lah ma ahkhtu phung pong püiMathet Nggheing longlung mshong nehNggheinglong gi nehma tui kkan nehkkhihmui k’ai yokho nak ba. Kkhihmui k’ai yolung yu gi nehmuitui go nglunghlun lo nehhmo long gan longhlun lo man. khmo long gan longlung yu gi nehlung kpyüng mhtai kpyüngngyung kkan lo nehhleileng k’am tai nikyon lo nehpughi mhtung kkyüihngan bü nehKchinu pyung ahui phu lo nehmhtai pai ktheih ah kkhanphyang lo. Pughi mhtung kkyüingyung khò vein lomgeli do hleihhlun lo man.Mgeli do hleihtui hlun lo nehkei hta ngyän äiyu kyò ba”Ng’äi cuh hla aih chütahkphlì ah kpai neh ka taih khai. Shin ah ma neh ka taih cuh Mvakho ah ka nohKchokho ah mi gok lo ka taih ah kya ci.Roman ca on van noh mi teng shüm mi hmat hngo khai hlü te. Cung phih Kcho gui ah mi ngyung nak akcang ah kya ca Mva Ca on phih mtói neh mi hmat tu vai ah ka taih ah kya ci.
