Shing k’thum Khanpughi tumat yum m’nai ciah Bä caih Elizabeth

Pyinhtit kho Bourges ung ng’vai lo ciah k’hngumi hta Elozabeth cu tum k’khon nak ung ghuih  ciah k’chang tumat ah kya ci. A m’lum ah ling ne a mät ah ka vai ah vah teng ne bi bi ciah kya ci. A khokum 14 be lo hleih a ni ah m’lung k’nga om ih gui ung a k’ni ah ng’ngahtüh lo thei ne Carmelite ng’htoi ung Mamah ah kyat u khai ah lut tu ciah kya ci. A nu no Mama kyawng a luh tu vai ah kä a nni ah m’lung k’nga a ng’thong hlah vai ah yeikyai ne poi a mi bi nak gui ung hteh tu hlak ne a k’hmo k’tho gui no ng’pong püi ne a mi chü hlo tu vai ah m’cäi gui ci. Elizabeth cu a  khokum 21 ung Carmelite ng’htoi un glut tu ciah kya ci. A cun ah Mamah ng’htoi ung a ni cu a im vai hlü ah om tu hnging ciah kya ci.

Elizabeth no a teihpüi gui amca guk ne a peit gui cu “Khong ngoi lam ah ka no leng ne hngüp pum hteit ghüi ne Khanpughi ah ka vai, Khanpughi ung, Khanpughi awn a täng ah Khanpughi ah a na teng nak gui ah k’kaa ka no a ni ah ng’yak hlü ah hlo ah mi bi ne ta a cun gui a van m’hngi nak awn mi bi ko. Mü lam ah a kya ung a k’ni ah dìmgei hleih mi ip ko” ci ne guk ciah kya ci. A kya ah thei tu hlü vai ah kya ciah a mät hta om ne a k’taigü nak ah ghünlu ung Shing k’thum Khanpughi tumat awn a ni cu a täng ah ghüng ne om ci ci cu a m’lung ung hmat ne yeikyai ne om ciah kya ci. A ca a m’lung ling ne kya man ciah a ni cu dìm kyäp nak a gah vai ah a mät no a mät k’hmih ne om lo hlü ciah kya ci. A ni cu Christu kum 1906 ung a vun ung