Thei-leh ci-ah khawh k’ngäng.

 Cun zah ung Jesu nawh a-hlu-läk gùi-àm a piéin cuh, ng’büh ng’mang ci-ah k’chàng tumat-àm, a khawh k’säm nawh a khawh a ploh péit-ah piéin neh ami ng’cháknák,  Ani nawh a khawh k’säm cuh, thäm nehtah, “Nang-ah màwng ka ng’zák cuh a i-ah néi? Ngùi na bi zah-ung, na guk te gùi lo püi neh na k’hmuh lo-ä. A i-ah kia hleih ci-ung, nang nawh cein kon-ah, kei-ah khawh kä na säm bà khai,” ci neh a piéin. Cun kon-ah khawh k’säm nawh a m’lung ah ng’ngài neh, “Ka Báwi nawh khawh sämnák-ung-kah, a na nong pi-ah kia ci. A i-ah ka kia vai mä. M’Dek ka coh vai cuh, kä ka m’chüt khai. Ng’Zòi neh ka ei vai-ah ka hmai thui-èi khai. Khawh sämnák-ung-kah, ka hläih kon-ah, k’chàng gùi nawh ami im-ung ami na m’om tu vai-ah, a i ka ci vai kä ka hmat ci,” ci neh ng’ngaih tüh nehtah A Báwi-àm, a phù a thúng vai om ci-ah k’chàng päng cuh tumat phäh phäh-ah thäm gùi neh a thäm htük àm, “Ka Báwi-àm, i-chü na thúng bà vai om ci ang?” ci neh ng’si hleih, “ k’Chi-petui nän-ah phia,” ci neh a m’sàng bà. Khawh k’säm nawh phih, k’hmoh nehtah, “Na punák, guknák-ung nän-ah k’hmakip-ah na guk vai,” ci neh a piéin. A hei k’chàng tumat-àm phih, “Nang mä, i-chü na thúng bà vai om ci ang?” ci neh ng’si hleih, “Kiung k’htang nän-ah phia,” ci neh a m’sàng bà. Khawh k’säm nawh na pu na guknák-ung, k’chéitkip-ah na guk vai,” ci neh a piéin.

A cun kon-ah kä chin hleih bi ci-ah, sin-ah khawh k’säm cuh a ngói-ah kavai, hngu thei neh a ci te-a phäh-ah, a Báwi nawh ngak ci. A cun-ah kia hleih khaw m’dek k’chàng gùi nawh a cu gùi-ah hngù-ah, Khãnpùghí-ah k’chàng gùi-a tah, hnguh hmat tu bà thei ci gùi.