Bä ciah Wolfgang ah ghünlu a mòng
Bä ciah Wolfgang cu Christu kum 934 ung Germany ghun kho, Swabia ung ng’tüi ciah kya ci. A ni cu Constance tuili hta ung om ciah k’pyha ng’tang ah k’khan ah om ciah Reichenau Yahteih ah a gok vai ah hteit man ciah kya ci. A ni cu a cun ung pyinga hnguh hmat nak gui hngu hmat ne ng’khai ciah kyawng hta tumat ah kya lo ne Wurzburg Taigü Mâng ah a na awn ng’teih ng’püi ah kya lo ci goi ah kya ci. A cun ah ng’hmat a ni ng’hnguh ng’hmat lo tuk on ah Wolfgang cu Trier ung om ciah Cathedral ung kyawng ah a ng’vai tumat ah kya lo ci. Christu kum 964 ung Wolfgang cu Swizaland ghunkho ung om caih Benedictine Yahteih tumat ah kya lo ci. Cun kon ah Eisiedeln Yahteih kyawng ung om ciah ca a mi ng’thei nak ah kyawng ung khong mang ne bi bi nak cu do ne bi ciah kya ci. A cun ah Yahteih kyawng mät ung Taigü Boi ah kya lo ciah kya ci.
Christu kum 972 ung Baveria ung om caih Regensburg Mânggo ung Taigü Mâng tumat ah kya lo ci. A cun ah Taigü Mâng ah kya ne bi a bi yah ung hnguh hmat nak pyinga lam ah a hlüngatai vai ah k’tha na ne bi ciah kya ci. Yumtu ng’bum no a uk ne a bi loh gui ng’hlei ng’khoi ne a k’ni ah a kya vai ah gukthen pyang tham ne duyai ci gui gunghtot ne a m’htei m’hta gui vai ah a ghünlu peit tak ciah kya ci. A ni ah bi loh gui vai a k’ni ah ng’päng khai ah a bi loh hnging cu a ni ah k’taigü gänap nak hnging awn kya ci. Bä ciah Wolfgan cu Austria a hteih nak ung goi lo ne linz Mânggo ah shi ciah kya ci.
