M’Kot-lo k’hteik ung nami lut vai nami ng’tha nak vai.
Pigò a k’zo, k’däm gùi hlùn neh m’thei gùi neh Jerusalem-ah hteit ci. Tumat nawh,“Báwi-aw, phiòng ci gùi kèn u neh-ang?” ci neh ng’si hleih Báwi nawh ani-àm a piéin lo bà cuh, “Ng’Htéik ci-ah m’kot-ung nami luh vai-ah k’thá na vä. A i-ah kia hleih ci-ung nangmi àm ka piéin cuh, a k’dá lut hlü láng neh kä lut hnging ci gùi. “Im-mah cuh, lut nehtah k’soh a khai kon-ah, nangmi a k’pùng-ah ng’düí neh khäk neh, “Báwi-aw, na k’hmón tu gùi-ä,” nami ci-ung phih, ‘Nangmi a hòi-a kah nami kia, kä ka ning hmat gùi ci,” ci neh ning m’sàng bà gùi khai. Cun-ung, nangmi nawh, “Nang Báwi-awn kami èi-aw tu ät màn ci. Kami lam gùi ung phih na m’thei màn ci,” ci neh lèng neh nami piéin lo khai. Ani nawh phih, “Nangmi a hòi-kah, nami kia, kä ka ning hmat gùi ci. Kä chin ’ká hleih nami bi ci gùi-aw, kei-ung-kah, hteit vä,” ci neh ani nawh piéin lo khai.
Cun kon-ah, Abraham, Isaac, Jacob-ung lèng neh ce ng’sä gùi avan cuh Khãnpùghí-ah khàw-ah om u hleih nangmi läí cuh, a k’pùng-ah ami ning k’täm lo gùi- ung cun zah-ah kiah-nák, hà ’kiütnák om lo khai. Hngi lo, hngi kiak, a khaw hei-a kah lo u neh Khãnpùghí-ah ghin-khàw-ah ng’hngan lo tu khai gùi. Hngú ci gùi, mà lo khai gùi. Mà ci gùi, hngú lo khai gùi.
Yum nak lam cuh kä ng’shong ci. kop neh lut vai ah kya ci. Bawi noh a pyein “ng’hteik ci ah m’kot lo ung lut vai” cuh mät noh ng’tha nak vai lam ng’hteik ca lam ung lut tu hnging vai mi k’tha nak ko.
