Papa Shangpughang ah ng’thu

Papa Shangpughang no a pyein cu nang mi ah khänghtek ciah yum nak, Khanpughi bang ung a hngün hngok ein khai ah na na mi ng’ngaih u nak, na mi ghünlu ung na mi buiawt ah yaica nak gui ah phäh ah hngu lam ah kä hläih ein ne k’chang gui ah hngu ah na mi yum nak a khäng htek nak cu a k’cum ah om ciah kya ci. khodek khoh tang gui ung kä ng’awih kaih ein ne yum nak awn mät ah ghinlu Khanpughi am a van gänap ne a k’ni ah om ih lah läk lam gui awn k’chang gui ah thei bang tu vai ah m’dang vai. Yumtu ng’bum ah m’lung ung pyam ne duyai ci gui lah a mi nong gui düt ah yaica ci gui ah k’chang gui a täng ah ät ne om ci.

Boi Yesu no Yumtu ng’bum ka no mi mi gui awn a täng ah om ci. A cun ah kya hleih mi mi gui cu Boi Yesu ah hteih püi ah mi kya ci. Mi mi gui cu Kho m’dek ng’thong hlat khai ah mi pyan tham hlü ah a kya ung maa ne mi mi gui ah teihpüi, mi k’kyawng khui ung ka no mi leng khai ah kya ci. Ngami gui awn ng’hnguh ne ng’tha ng’ko ne tumat no tumat m’nai tu hleih mi om ah a kya ung kho m’dek a ng’thong hlah vai ah mi gung tu ah kya ci ci ne pyein ci..

Source: EWTN Vatican