Van ah ngshünngphannak
A hngùn kghìng avan cuh tumat lah tumat ngshün ngphan neh mikmi avan cuh a hngùn kghìng gui ah kya neh tumat lah tumat yîhngêi tu kyu ca kya neh a hngùn kghìng kkhúi tumat hti ah mòòng teng mkêin nak ung akní ah hlûitä neh mlùng kní thà neh mi màmòòng na khai kya ci. Ngdühngün khò päng ung om ca a hngùn kghìng kkhúi avan ngngaih na neh ghun mhtéi hnging vai ngdükhò kchàng avan ah màmòòng ah kya ci. Kchòkhò ung ghun mhtéi vai a hngùn kghìng kphyú kkhá gui akdá om ci. Ngphlà pyî ca kum thùmkip kphlìkip yah ung Kchòkhò cuh kphyú kkhá ahlü ahngäî ah ngginngkô gui on ni tu hngá màn ci.
Tuhchü cuh akya ah kèn lo ci.Tuhchü cuh kkhá hlêhngat gui akdá noh kkot lo neh kkhá gui ngón neh yòi tu lo u hleih kkhá gui cuh kèn lo píhtî ci.Cun cuh ngtukkhò pôk lo neh ngùi ghùi gah tang vai kä nghlôi lo ba hleih kphyú kkhá ngón neh ami yoih tuk lo ah kya ci.Cun ung Kchòkhò ùk ci nohkphyú kkhá a mtûi yah ung kä ngón vai,kphyú kkhá bäng ah kä kya neh kîkòng ngá,ng’âi phih a mtûi yah ung kä phâ vai ah pyéin lo ci. Cung phih pyéin düt ah kä kya en khai apì gò päng ung hlukì gui noh ktäih neh ami ghun vai hlü ci. Ghun khò ùk ci lam bäng ah kä kya neh kyòng gui ung phih akhmó hta gui ung lèng neh ami hmat vai ng’thêi ca gui lah ng’äî ng’om gui on mi mthêi vai hlü ci.Avai hlü ah kphyú kkhá ng’äî ng’om tumat ka guk nak ung”Kbìhlî mcòk kchót m’yìyèkphú kkhá van ah ngdü imKchòkhò van noh mi mhtéi ko.Van noh mi mhtéi ko.
Kôlù bókkchôhlaphokkchôpägätkóikègèshóiphâishèvakkchitvapyàvangvû lah yòng ng’ài ah ngtüìnak.Cun kòn ah ayân ng’äî kphyìm ung akhmó gui noh yèikyài hàyâ neh ami hnguh hmat thêi vai ng’äî ng’om tumat om ci. ”A lù mthut notûi yä lo neha pêm kògàngna mcûn hleihhlìmhlìm hlòm mhlêmya ngphäî tu unga mcûn kkyòng ahluh k’hläm ungkshúishé lòn tama kkhìm ghón onlù lah lê ahna mchün neha khìn im ahna khahpüî nehmshì k’am ngkyah ungna shúm nehhngùn vü ci nehna èi shüm nehka guh ák nehshì chä ve. ”Cun kon ah kkhá bäng ah kä kya neh ahêi kkhìhlá,ngá,ng’âi gui phih kyòngkài khmó gui noh ami yéi nak thêi vai mthêi vai hlü ci.Acun ah mthêi nak ungtuhchü ng’äî k’ó gui bäng on kä kya neh Kchò ng’äî kphyìm gui on phih mthêi neh hnguh hmat nak a hlühlü péit vai hlü ci. Avai hlü ah kphyúghèm ah ng’äi tumat ung”Mhtûng ah kchung ahka khùi vüt nehom khò yò ngäi.Khteng ah kpèm ahka hlet pyàng nehom khò yò ngäi.Ka khùi vüt nehkkhòikong mhtéi noom khò yò ngäi.
Ka hlet pyàng nehshòng khngáigè noom khò yò ngäi.Kkhòikong mhtéi nokhùi na hlüm hleihom khò yò ngäi.Shóng khngàigè nohhlet na gèng hleihom khò yò ngäi.Khùi na hlüm hleihhlìhlüm ka ngmêi om khó yò ngäi. Hlet na gèng heihngngài tìtüí nehom khò yò ngäi. Hlìhlüm ka ngmêihlò hläk däî nehom khò yò ngäi”Cá kphyú kkhá kkhìhlá ah Kchò ng’äî kphyìm gui kyòng kkài gui am mthêi ah phäh ah Kchò khmò hta gui cuh kchî kphyìm gui hmat lo u neh kphyú kkhá khìhlá phih yèi lo thêi neh ami kya lo ung thùng yò phih mhtéi u neh a khòtŭi pèinglèng ah a phù a kyüì ah mòòng phih ami mlúng khngà ung om lo khai kya ci. A khòtüî péi ngléng ghum mhtéi nak ung ghunkhò ùk ci gui lah ca ngthêi nak bäng ah kä kya en neh pâhtâ yùmnak gui ung phih aktúng ah mthêimthàng vai kya ci.
A i ah kya hleih ci ung Kkhânpùghí ah ngthûkthéing kyànca ngtüî om lo nak ung mi hngu hnging ca kya ci.Khòmdek kkhân ah om ca kphyú kkhá khìhlá kphyùtîk kkhânkhò avan tüí yop lah Kkhânpùghí noh ”Ni ci” ciah a pyéin cuh mi hngu hnging ci. Acun ah ni ci ciah pyéin netah nami mhtéi vai ciah ana màmòòng nak hlak gui cuh pâhta lam ung phih a khòtüì pèingléng mhtéi vai ah màmòòng ktúng ah a kya cuh mi hngu hnging ci. A khòtüî pèingléng mhtéi vai tängpàng mthêimthàng nak ung Catholic Htahtana cuh cá tün neh bi lo ca kya ci.Khòmdek akshé gui ni khai pyàng neh êi ók màn phùng géitkò neh acun ung ka noh gah lo ci gui on dúkhaih yáica ci gui am tumbêi ca yahteih kyòng gui phih mdüih neh ami om cuh Catholic Htahtana ah Hngün Mòòng(Church History)ung mi hngu hnging ci. A cun ah a màmòòng màn te cuh mikmi ung gok lo ca kya ci.
Catholic Htahtana ung a khòtüì pèingléng mhngî khmà neh kphyú kkhá khìhlá yèi na ca Bä ca Francis Asisi cuh van noh a thêibang tu vai ah kchàng ah kya ci.A ni cuh kphyú kkhá khìhlá yéi na aih neh kya chütah Kkhâpùghí noh chà tu hngá ca yèikyàinak a péit om ci. A ktàigü yah ung kphyú kkhá gui cuh a kut,a kphlèngphùng,a lù kkè hngô ung ngò lo u neh atäng ah Kkhânpùghí on mtâm tu ca kkhá gui ah ngshòn a tuhgüt chüt hleih Bä ca Fracis Uyin ung ami om cuh akya ah yùm ngak vai kya ci. Tuhchü cuh a khòtüî pèingléng mhtéinak ung NGO gui phih thählà lo ci gui ah kya neh avan on ngtói neh mi bi ung mi ghin om nak ah khòmdek cuh ni lo ba khai kya ci. Akhòtüî péingléng mhtéi nak ung pahta lam ni,acòyah kyòng ni,NGO ni on ngtói neh ngdükhò kcháng gui van noh mi bi ah akya ung om na phya ca khòmdek ah kya lo ba khai.
