Nami di lo khai nei
Báwi nawh piéin lo neh, “Nangmí phih nami dí lo khai néi, nangmi m’cäinák piàng gùi. Nangmi nawh k’chàng gùi-ah, kä phuih hnging-ah phuih, nami k’phuih gùi ci. Nami mät nawh tah kut m’dáwng htá düit-awn phih, kä nami tòn ci. ci neh ng’sä gùi-ah m’cim-hngün nami co ci-ah nangmí gùi, nami dí lo khai néi. Nami pùghípá gùi nawh ngáwn gùi ci gùi. A k’càng-ah, nami pùghí pá ami bi-loh-ung nami ät tu, nami mät nawh nami m’dáng ci. A i-ah kia hleih ci-ung, ngami nawh cun-ah k’chàng gùi ngáwn k’càng ci gùi-ah kia ci. Nangmi läí nawh ami m’cim-hngün nami co ci.
Cun-ah kia hleih Khãnpùghí-ah thúk-sim-’chuh nawh a piéin cuh, “Kei nawh ngamí-ah ce ng’sä gùi lah ng’sä gùi cuh, ka tüi lo khai. Ngamí nawh a m’sah ngáwn khai gùi. A m’sah ’kalunák khai gùi. Cun-ah kia hleih khàw m’dek a ng’tün-ung tün neh ce ng’sä gùi-ah si cuh sin-ah k’chàng gùi-ah, sàng lo bà khai. Kei nawh a k’càng-ah ka piéin cuh, Abela-ah si-ung lèng neh, khaw im lah khaw’kiak-ah ng’lak-ah si ci-ah Zechariah-ah si-ung chüt hleih, sin-ah k’chàng gùi-ung phù sùi khai. Nami dí lo khai néi, m’cäinák piàng gùi-aw, a i-ah kia hleih ci-ung, thúk sim ’chuh m’kot-ung ng’kang u neh nami mät phih kä nami lut ci. Lut hlü ci gùi phih nami kioh ci. Asin gùi a piéin zah-ung, Pharisee gùi lah m’cäinák piàng gùi nawh lèng neh ng’si u neh kä k’chü-èin bà hlot khai-ah ng’cuh püi ci gùi. A k’chü m’khá mät-awn, ami pha vai-ah ng’mün neh a k’chü m’sak cuh, sùi ci gùi.
Khong mang k’chang gui ah bi loh vai gui ni, lam m’shüm gui cuh a kya hlü ci. A k’ni ah lam m’shüm lah a k’she täng a lam m’shüm ci ah om ci. Mät noh phih a k’ni ah khong mang neh k’ chang gui phih a k’ni ah lam shüm cuh a k’ni pi ah kya ci.
