Mindat Zone ung om ca TamahSaya gui ka vai “Jubilee of Catechist” bi ci gui

Mindat Diocese noh tahmahsaya gui kavai ah Jubilee cuh amät a zone phäh phäh ah bi vai ci neh pyein pit kon a Minat Zone ung om ca Tahmahsaya gui ah ” Jubilee of Catechist” cuh October k’cha a 15 nak ung M’dap pigo ung bi ci gui ah kya ci. A cun ung Bawiphaya gui k’thum lo neh Tahmahsaya gui gha-lei-goi hlok lo neh k’taigü lo ci gui. A cun ung Bawiphaya Ghung Khaw Gei noh Missa gänap nak khong mang neh m’cäi nak pyein ci. A cun kon a Bawiphaya Joseph Phe Ling Lay noh k’tha-gui pe gui neh k’hngüp ei a ng’pyi kon a ng’pai ba ci gui. Khanpughi ah bi bi nak ung k’thagui mah nak neh bi loh hnging vai ah Tahmahsaya gui kavai k’taigü peit gui neh Tahmahsaya kya lo tu ba khai a om lo ba vai phih mi k’taigü ko.