Bä ca Margaret Mary Alacoque ah ghünlu a mòng
Bä ca Margaret Mary Alacoque cu Christu kum Pyaghaleik’chuk lah plikipleik’chüih ung Pyinhtit khaw, Burgundy Manggo ung ng’tüi ciah kya ci. A k’hmo yah ge ung a pa shi hleih a khaw k’däm noh k’phan k’chang vai hlü ah a k’kalu nak ah kya hleih Kotohmat Sacramentu ng’yung na ne a cun ung ng’thagui la ne om ca kya ci. A khokum k’ko ung Kotomyat Saramentu a gah tu kon ah khokkum k’pli a ih nak ah khan na om ne a guhgo m’neh ciah kya ci. A khokum m’kuleiät ung hteiüi ne hlü ci gui ah k’chang gui gunghtot ciah mamah ng’htoi un glut tu k’ca kya ci. Mamah ng’htoi a luh nak tu ung a ni ah ghünlu cu yaica buiawt nak gui daa tu lang pang hlei phih a yaica buiawt gui a van Khanpughü gänap ne ng’chüi ne k’taigü ng’däih ne om ci. Christu kum (1973), Dedember k’cha 27 hngüp ung ka noh leng ne k’cha ghalei k’chüüt pum ung Boi Yesu noh Missa gänap nak ah Maang kyak ung ka noh bä ca Margaret am m’dang hti ca kya ci. Boiyesu noh a ni chü ne a mät ah bä ca m’lung cu m’hngi nak awn i hlok ah a be ah among m’dang ca kya ci.
Cun kon ah k’chang gui hei nak ah kä ni ci gui a ng’thong hlat lo hning vai ah voihpeh gui awn gänap ne kya vä ci ne pyein ca kya ci. Cun kon nah a k’cha tä ah mapibäih ne khawhngüp ung Boiyesu ah htitheing ca m’lung yumnai ne m’shümk’chuk ng’taigü gui gän ap vai ni, a hngüp pli nak mükhochoih kä k’pha en pha hleih phih a cun ah bi vai lah Boiyeisu ah ghui m’lung poi hgnüp ung phih Boi ah ghui m’lung ka vai gänap peit vai ah m’cäi ca kya ci. Chriatu kum (1687) ung Boiyesu ah ghui m’lung m’hlüng m’tai nak ah yumtum ng’bum im coh kon nah Boiyesu ah bä ca ghui m’lung cu khaw m’dek pung ung om ca yumtu ng’bum gui noh yum m’nai ne m’hlüng m’tai lo ci gui ah kya ci. Bä ca Margaret Mary cu Christu kum (1690), Novenber k’cha (17) ung a k’dim a k’kyäp ah shi k’ca kya ci.
