Bä ca yùm nakLèngnak
”O Pá o,hngùn ngdûn ghinnak ci cuh akcàng ah Kkhânpùghí tumat ah kya ca nang Bói phih kyai,na tüih lo ah Jesu Christu Bói phih kyai ami kbäî nak ah kya ci. Nang Bòi cuh kchàng avan am phyónnak gah hlak vai lah bä càng nak hmat hlak vai na ngya hlü ci”.Jesu cuh ani ah ngmìng on”Mòpí ah kkâ ah kchàng gui ah nglùng ung phyónnak gah hnging nak vai ahêi ah ngmìng kä om ci”ci ci. 1.Kchàng ah ghinlù-Kkhânpùghí hmat vai lah mhngî vai1.Kkhânpùghí cuh kä ngpäng hnging hleih ngkyüm bé neh a mät ung bänak on ngkyüm bé neh a bä nak bängbäng ah biloh nak on a ngngaih ah kchàng cuh tüì khmüt ci.Kchàng am bä kkhak ca ghinlù têipâi tu ci. A cun ah phäh ah akhing päng lah ngdü hngün päng ung Kkhânpùghí no kchàng gui k’et neh chü phòng ci.Kkhânpùghí no ani cuh kthagui a k’om kbät on shui vai,hmat vai lah mhngî vai kchàng gui chü phòng ci.
Acun ah mòòng a ongtang hlak vai a ngkyüm bé nak gok lo chütah Kkhânpùghí cuh A Htá Kphyón Bói ah tüì lo ci. A Htá Kpá lam on Htíthéng ca muh Kkhânpùghí on atäng ah kchàng gui cuh a htá khngû htá kpá ah kya hlak neh ani ah bä khak ca ghinlù ami gah vai ah chü gui ci. 2.Cun ah a chü nak cuh khòmdek púm a shàlòng hnging vai ah Jesu Bòi cuh A ghü ah hluläk gui tüì neh ngthû kní ami mthêimthàng vai ngthû pyéin ci.”Nangmi cuh hteiteh kchàng pakkhúi van am Ka hluläk gui ah kya hlak u neh Pá,Htá,Htíthéing ca Muh ah ngmìng kthéing on mshînak nami péit gui vai. Ka pyéin pä ami läk vai nami mthêi vai. Kei cuh cìnkhò a lô güt chüt hleih nangmi on atäng ah ka om khai”ciah ngami am pyéin ci.
A hluläk gui phih ngdüí lo u neh avan ung mthêimthàng ci gui.Kkhânpùghí phih ngami on bi bi neh ami mthêi a càng ah mòòng A mdáng vai ah ghum â khmüt nak gui on gung ci. 3.Kkhânpùghí ah gungnak on Bói Christu ah chü phòòng nak dò chàng nehami yùm mhngî ah mshàng ci gui cuh ngthkní khòmdek púm yat hleih mthêi vai Bòi Christù ung thà ah mthämhlà nak gah ci gui. Ngami cuh a hluläl gui ah mthêimthàng nak,nggèingkhot nak muk ngbônak on khäng htek neh läk ci gui.Yùm kbäî nak on phih kyai,phäí lah nà ah ngtêingpâi nak on phih kyaiktàigü nak ung gän àp nak on phih kyai Bói Christu ah hluläk gui am a ngshòn ngshòn ah ngdô vai ah na chü gui ci.
