Kä ng’düm a k’taigü vai among.
Lèng neh a piéin lo bà cuh, “Nangmi gùi-ung-kah, a u nawh boh, a teih-püi tumat om hleih mü khaw-cóih-ah, ani-ah hteit neh, “Ka teih-püi-aw, ka’chin gok lo ci; ka m’bei tu vai i kä om hleih ei m’sùm k’thùm na k’pu tu cang-ä,” ci ci. Im-mah nawh, “Kä na hmóng cáng-ä. K’Soh khai pi. Ka htá gùi mah-ah kami ip pi ci. Let lo neh kä ka ning pe hnging khai,” ci neh im-’kiong-a kah nawh piéin ci. Nangmi gùi-àm ka piéin cuh, “A teih-püi-ah kia hleih let lo bà neh kä hang péit bà bä-ung phih a língnák laih laih-ah phäh-ah, let lo khai lah, a ng’zák hlü phung pe täng khai-ah kia ci.
Nangmi gùi-àm ka piéin bà cuh, Sàng vä, ning pe gùi khai. Sui vä, nami hnguh khai. ’Khäk vä, ning k’hmón gùi khai. A i-ah kia hleih ci-ung, Sàng ci nawh gah ci. Sùi ci nawh hnguh ci. ’Khäk ci-àm phih, m’kot hmón pe ci. Nangmi gùi-ung, a u nawh èi vai m’hlo ci-ah a htá-àm lung pe khai ang? Kä cun-ung, ngá sàng ci-àm, k’phiù pe khai ang? ài m’tui sàng hleih zong-ah ng’ai, pe khai-ang? Nangmi cuh nami séit kat tu pang-a phih nami htá gùi-àm, ni ’ci-ah ng’khaw nami péit thei-ah a kia-ung, Khãnmòpí-ah om ci-ah nami Pá cun nawh tah, sàng ci gùi-àm, Muh-Htí hngá hleih pe gùi khai-ah kia ci,” ci neh piéin ci.
