k’Chàng-àm, lam k’sé, kä m’süm vai.

 Cun zah-ung, a-hlu-läk gùi, Jesu-ah lo u neh “Khãnmòpí ghin khàw ung a u ng’vái pí ci ang?” ci neh ng’si u hleih,  ani nawh a k’hmó tumat chüneh a-hlu-läk gùi-ah ng’lùng-ah m’düih nehtah, “kei nawh a k’càng ka piéin cuh, nami m’lùng ng’ngaih piàng tham u neh sin-ah k’hmó-a hlo-ah kä nami kia-ung, Khãnmòpí ghin khaw ung kä nami gok tu khai.  Cun-ah kia hleih sin-ah k’hmó-a hlo-ah a mät nawh a mät a m’lùng m’zo m’nem ci cuh Khãn-mòpí ghin khàw ung hlüng tài pí k’bäih ci,” ci ci.

Kei ah ng’mìng-awn, sin-a hlo-ah a k’hmó m’om tu ci nawh kei mät na m’om tu ci.  Kei, na zùm ci-ah, k’hmó tumat kù, kat-ung gok hlak ci cuh a gòn ung gòt-lung, ’khäi neh tui-núli ung súm-èi vah bä tu bà khai. Sin-ah m’dek ’khãn-ah katnák om neh kä ni tu láng pang hleih phih, kat lam m’süm ci-ah k’chàng-ah phäh-ah, k’chün tu pí khai. Nangmi nawh sin-ah a k’hmó tumat phih, kä nami ploh cheih eìn-vai ah, ng’ngaih nák vä. Kei nawh ka piéin cuh, ngamí-ah Khãnhtapup gùi cuh, Khãnmòpí-ah om ci-ah, ka Pá Khãnpùghí-ah a mà-ah, a ng’täih-ah om ci gùi. 

Tuh ngoi cuh na ngäng m’thei ca Khanhtapup ah poi mi bi ci ah kya ci. Mikmi mi van ung na ngäng m’thei ca Khanhtapup gui om ci. Exdous 23:20-23 ung mi teng ung Khanhtapup gui mi ng’ngaih vai cuh Khanpughi noh na m’cäi gui ci.