Samaritan gùi nawh kä dàw ci gùi.

Khãnmòpí-ah a hteh bà vai k’hngüp ng’et lo hleih Báwi nawh Jerusalem täng-ah màng neh,  a-hlu-läk gùi tüì gùi mà hleih ngami cuh, Báwi-ah ng’düm ng’tàng nák vai, piàng vai neh Samaritan pigò tumat-ah hteit ci gùi.  Jerusalem-ah hteit khai-ah kia hleih ngamí nawh Báwi cuh, mãnak ci gùi.  A-hlu-läk Jacob lah Johan nawh hnguh tu ni neh ‘mei kia lo neh úi gùi hlä’ kami ci vai, na ng’za hlü ci-ang? ci neh ng’si ci goi. Báwi nawh ng’hlat bà neh k’sé na goi nehtah a piéin cuh, “A i m’lùng, nani m’lùngnák cuh kä nani hmat ci mü-ü.  K’Chàng-ah Htá cuh, hngùn m’chà m’dí vai-ah kä kia ci. K’Phión khai-ah lo ci.” Cun kon-ah a hei pigò-ah hteit ci gùi.

Bawi Jesu kä do u hleih Yakuk lah Yahan noh kä yum ni neh Khanmopi ah kah mei ng’kyak lo hlak vai ang ci neh Bawi ng’shi ci goi. Bawi noh ngani m’cäi goi ci ah kya ci. K’chang noh kä na do, ami na hlot, ami na yo k’ka nak cuh a u noh phih kä yum ci ah kya ci. Bawi noh avan a ghin phyon nak vai bi hleih phih kä yum ci gui da ci. Mikmi phih mi ghin on yah ung kä mi ning do, ami ning sheit k’ka nak yah ung Bawi na shüm ba vai lah k’tha gui na lak ba vai hlü ci.