Bä ciah Cosmas lah Damian ah ghünlu a mòng

Bä ciah Cosmas lah Damian cu a k’nga ng’gum goi ah kya ci. Ngani cu Arabia ghunkho ung  3^rd Century yah ung ng’tüi ci goi ah kya ci. Syria kho ung Sei pyinnya gui ng’thei ng’thang ni ne ta Cilicia kho lah Aegeae Mânggo ung om ni ne a cun ung a kya ah sei lam ung hngu hmat ciah htamadaw ah kya lo ci goi ah kya ci. Ngani cu a ni hnguh hmat lam gui a k’ni ah aung tang khai ah ci tu lang ni hleih ng’kheng nak kä lak ein ah a ni peit tak ah kya ci. A cun lam awn k’chang gui a k’daa Chrisitian ung ng’plon lo yop ci gui ah kya ci. Christu kum 283 ung Diocletian k’chang gui no Christian k’chang  gui a mi kulu nak gui ung ng ani phih shing m’kang k’tung ung kyang ne a nil u k’ke m’chünpit ne a mi ngon goi ah kya ci. Ngani cu kyähla k’dai ne bi ci gui ah lah sei tui pe ci gui ghung m’htei ci ah bä ciah k’chang tumat ah kya ci.