Bä ciah Gerard Sagredo ah ghünlu a mòng

Bä ciah Gerard Sagredo cu Hunagry ghunkho ung Khanpughi ah phan ah k’chang tumat ah kya ne Venice ung om ciah Jan Giorgio Maggiore ung Yahteih tumat ah kya lo ci. A cun ung ka no a ni ah ghünlu cu leng lo ciah kya ci. Jerusalem ah phaya phu khai ah ah a hteh nak ung  Hungry hlun ne Shangpughang Stephen awn ng’hnguh khai ah hteit ciah kya ci. A cun ah Shangpughang cu a ni ah ghunkho ung Christian m’htei m’thang nak a om lo vai ah ng’yak hlü man te ciah kya ci. Gerard cu Shangpughang ah hta Emeric m’htei m’hta ne Khanpughi ah mong lam gui m’thei m’thang tu ne a om vai cu yum ciah kya ci. Christu kum 1035 ung Gerard cu Csanad Mânggo ung maapi k’bäih ne Taigü Mâng ah kya lo ci. Shangpughang Stephen shi hleih yum ghong gui cu a kya ah daa lo ba ci gui ah kya ci. Christu kum 1046 ung ga k’kap gui no Gerard cu a mi ngon ah kya ci. K’chang k’ngon gui no a nig ok cu la u ne ta Danube tui nu ung a mi m’hteh ah kya ci. A ni cu Vinice Mânggo k’om gui ghung m’htei ciah bä ciah k’chang tumat ah kya lo ci.