Papa Shangpughang ah ng’thu
Papa Shangpughang Leo no St. Ann Taigü kho Phaya kyawng ung Missa a gänap ne ah m’cäi a m’thei m’cäi nak ung “A u no phih Boi k’hngih ka vai kä bi hnging Khai. A i ah Kya hleih ci ung tumat u ne, tumat yei nak Khai, tumat äp ne tumat cu a I ah kä hlui Khai, Nang mi cu Khanpughi lah khoh tang ka vai ah kä na mi bi hnging Khai ci ah Luka 16:13 ung om ci a mòng cu m’thei m’cäi ciah Kya ci. Khanpughi no mi mi ah m’lung cu a hoi lam ah mi tha vai ci cu phukpit ne mi ci hnging vai na chü thäm gui ci ah Kya ci. Boi Yesu no Khanpughi lah khoh tang ah a ni ng’lak ah lang ne hti ciah a hei ghü nak cu m’dang ne na m’thei m’cäi gui ci. A cun ah mòng cu Papa Shangpughang no mi mi gui no mi ghü nak ah ghünlu cu cang ciah ghünlu tumat ah a Kya vai hlü ci. Mi ng’tüi lo ung leng ne m’thei m’hta nak, m’hngi nak, im, hluihlak eiok vai gui cun phih hlü ciah Kya ci. Khoh tang a Kya ah ng’yak hlü nomi mi ah ghünlu na k’pyhon peit gui Khai ci ne mi ng’ngaih lo ung mi mi ah m’lung k’kyong ah Khanpughi ah om nak vai kä om lo ba Khai ah Kya ci. Khoh tang ah k’däk nak ung Khanpughi kä om ci. Mi mi gui cu a k’ni ah om vai ci ne ng’ngahtüh ne Kya ung phih khoh tang kä om ung k’khei ne kä m’chüt ah hlü ci gui om lo k’khai ci cu ng’ngaih nak vai ci ne Papa Shangpughang no pyéin ci.
