Bä ca John Chrysostom ah ghinlu a mong

Bä ca John Chrysostom Christukum (347)Phya thum lah plikipleichüih ung Turky Ghunkhaw, Antioch Manggio ung ng’tüi ciah kya ci. A ni cu Khanpughü ah mong lam m’theinkan thähla nak ung a ni ah a m’ming thang hleih Chrysostom( ghui m’gong) ci neh a ming a mi peit a kya ci. Pyeinhlak nak ung ng’ chüih cia   Libanioch a om nak ah Pyein hlak nak lam lah hguh hmat nak gui a ng’thei ng’thang tu konnah ni k’she m’cha ng’lang neh pyein ciah hluki k’shä tumat a a kiaa vai k’ngah tüih man te ci. Antioch Taigü Maang a phäh a am’lung nga ng’hlat lo neh a khokum ghaleichüit ung Taigü Boi ah kya tu khai ah a m’lung phupit ciah kya ci. Christu kum (386)Phya thum lah chüikipleichuk ung Taigü Boi ah kia lo neh, (398) Phya k’thum lah k’kokipleichüit, Constantinoble manggio ung Taigü Maang kya neh Khanpughü a bi bi ciah kya ci.

A ni cu dudong yaica ki gui am nguighui peita gui neh m’htei gui ne ta mä, a om k’ih awn phih kyai, a m’gong awn phih kyai k’chang gui ah ni nak vai lam pyang tham neh m’shüm gui ca kya ci. A ni cu lang neh  ge ca m’theinkhan nak awn m’ming k’ni gah ca kya ci. A ni cu linggai neh ghatghum ci gui ah Mâng im k’äih gaakap gui ah k’dukdei nak lah khok’pung ung ka noh a mi got täm nak awn yai lo neh Christukum (407) Phya kpli lah k’chüih ung shih ci. Bä ca John Chrysostom a hlo ah Khanpughü a cang ah yum äp nak awn k’chang gui a yok’kà nak kä kyüh ein ne dodung yaica ci gui k’chünga ne mi m’htei m’hta gui hnging vai a mi tha na tu ko.