Bä ciah Jean-Gabriel ah ghünlu a mòng

Bä ciah Jean-Gabriel cu Pyinhtit kho ung ng’tüi ciah kya ci. A ni cu Christu kum 1826 ung Taigü Boi tumat ah kya lo ci.  A ni ah a phäi ah kya ciah Louis cu Tayuk kho ah Khanpughi ah bi bi khai ah tüi lam awn a hteh nak ung shih ciah kya ci. A cun ah kya hleih John Gabriel cu a phäi ah hngün ung bi bi ciah kya ci. Yunan khaw, Nanyang htei kho kum a m’cot a mi k’chü ng’thei tu ne om ciah kya ci. A cun kon ah kho gui kho m’htung lah tui ni tui hta gui a daa nak ah Tan Tee tui nu pei ah chüt hleih Christian bi loh gui cu bi lo ne om ciah kya ci. Christu kum 1839 ung Christian yum nak lam ung k’yok’kaa nak gui cu a k’ten ah om lo ciah kya ci. Ga k’kap gui no John Gabriel cu pha ne k’pong ne ta a kya ah a mi kalu nak ah kya ci. A shäng shäng a päng päng ng’si ca ne a mi tukthah ah kya ci. A hei tayuk Christian k’chang gui ah ng’ming pyein hlak ne m’kyüh ne a mi ci ah kya ci. Ga k’kap gui no a ni ah kut nu k’hngih cu k’tung ng k’pong ne a pule ng’lat ah ci ne go pum  awn a mi m’ghuih ah kya ci.

Cun tu pang ah phih John Gabriel cu a í phih kä pyein ein ne a ni ah Boi no a khan man ah Yaica nak gui shüm ba ne khan düt ciah kya ci. A k’hngu ah a ni cu Red Mauntain ciah m’htung ung a shi ah chüt hleih a k’hngügon k’the ne a mi ngon vai ah a mi pyein ah kya ci. Christu kum 1840, September k’cha 11 hngüp ung a ni cu shing m’kang khan ah chit ne a k’hngügon ung chit ne a shih ah chüt hleih k’hteng khai ah a mi ci ah kya ci.