Avan nawng ghüt-ung gah vai gùi. 

 k’Chàng a k’dá cuh, Báwi-awn m’gù tu u hleih ngamí mán gùi neh a piéin lo cuh,   “A u phih kei-ah lo nehtah Pá, nú, k’chú, htá gùi, phäí-nàü gùi, nubè gùi lah, a mät-ah hngùn mät hngo-a tah, kei kä na hlui tä tu bà ci cuh kei-ah k’chàng-ah kä kia hnging ci.A mät-ah kut-làm k’tùng ’kot neh ka hngú-ah kä na läk ci cuh kei-ah k’chàng-ah kä kia hnging ci.

A i-ah kia hleih ci-ung, lung im co hlü neh mà neh ngoh neh ng’chüíp khai-ah, hlü ci gùi kä ng’ngaih-tüh khai, nangmi gùi-ung a u om ci-ang?  Cun-ah kä ci läí-ung, khùi co nehtah ng’chüíp khai-ah kä bi- ung hnguh tu ci phùng nawh ani cuh, béit na tu u neh, “Sin-ah k’chàng nawh leng neh co tu láng neh kä m’üp hnging ci,”ci khai gùi. A hei-ah piéin-ung, a hei sangpùghang-awn ng’tu lo vai ni neh phia m’kù-awn a mät tu lo ci cuh k’phia ghà-awn ka m’chüt hnging khai mä,’ ci neh mà neh ngoh-neh, kä ng’ngaih-tüh khai-ah, sangpùghang om khai-ang? Cun-ah kä kia-ung, a gà sangpùghang a k’hláng-ah a om zah mät ung ng’sä tüi neh kä ng’tuk-èin vai-ah ng’gè püi khai. A cun-a hlo-ah, a u pang tah a mät-ung om ci phùng kä nawng ghüt läí neh kei-ah k’chàng-ah kä kia hnging ci.