Khaw-’nget-ah kai nak, a m’gái bà.

Galilee khàw, Cãpharnaum pigò-ah kium neh a cu-ah kiün k’hngüp ung ngami  m’thei gùi ci.  Ngami nawh phih, Báwi nawh a piéin-hlak gùi cuh, zùm m’nài ci gùi. A i-ah kia hleih ci ung ã-mah neh piéin ci.

 Cã-gat-ung sé m’sai ci-ah khaw- nget-ah phã, tumat om hleih ani cuh, a ng’khai-ah m’lã neh,  “Jesu Nazarenu aw, a ci-ah om-ä. Nang, keimi-awn, a i ni ng’lak om hleih ang? Keimi nà m’dí gùi vai-ah, na lo ci mâ-ah? Nang a u-ah na kia ka hmat ci. Khãnpùghí-ah htí-théing ci-ah k’chàng-ah na kia ci,” ci neh piéin ci. Jesu nawh phih, “Dìng-ä. Cein-ah k’chàng-ung-kah lut lo-ä,” ci-ah ng’li neh piéin ci. Khaw-’nget cun phih, cun-ah k’chàng, a ng’lung-ah m’chu-ton ghüt neh a i-a phih a k’sé-ah kä ci-èin neh ani-ung-kah lut lo ci. Om ci-ah k’chàng van cuh, kiükiok u neh “Sin cuh, a i-hocha cuh? Sé m’sai ci-ah khaw-’nget gùi hngo be gùi hleih lut lo zop ci gùi néi,”  ci neh ami mät goi nawh piéin ci gùi. Cun-ah màwng cuh a cu zah zung púm-ah ng’hmat zop ci.

Mimi phih Bawi on mi ät tu ung kho-nget mi m’chüt tu khai ah kya ci.