“Jubilee of Marian Spirituality” bi a among
{apa Shangpughang Francis noh 2025 cuh ” Jubilee of hope” ci ah Jubilee gui cuh bi neh Khanpughi m’tam nak bi vai ci neh a pyein ge te ah kya ci. Cun cuh Pope Leo XIV nak noh Catholic yumtubum avan noh läk neh bi vai ciah thä hla lo hleih avan noh amät a ng’hloi nak phäh phäh bi vai ci ah pyein neh bi lo gui ah kya ci. Mindat Diocese noh a k’thum nak a ” Jubilee of Marian Spirituality” cuh M’dap pigo ah ami ng’bumim ah poi ah phih kya hleih Maria um nai yeikyai nak cuh August k’cha 22 nak ung bi ci gui ah kya ci. Cun a bi nak ung Mindat K’taigü mang Augustine noh khong mang hleih Bawiphaya gui kcheit, mamah Thang Awi, Tahmah saya gui lah yumtung’bum phya hlok lo neh k’taigü ci gui. K’taigü Mang noh Jubilee bi ah among gui lah Nu Maria among cuh a pyein nak ung” Jubilee ci cuh Khanpughi shüm hmat nak lah Khanpughi ah ni bä nak gui k’khei vai ah Jubilee bi ah kya ci. Nu Maria noh na om püi gui hleih mikmi ah ghün om nak ung Nu Maria cuh kä k’hmih en neh mi om thei vai hlü ci” ci neh pyein ci.
