Papa Shangpughang no August k’cha 10 hngüp ah Kya ciah kyün hngüp Angelu a m’cu yah ung a ng’ngahtüh ba a mong

Saint Peter’s Square ung lo ne ng’bum lo ci gui ah yumtu k’chang gui am a m’thein m’cäi nak ung Papa Shangpughang no ng’thu k’ni ung om ciah ghünlu ah “Treasure of our lives” ci ah a mong cu a mät no ng’ngahtüh ba ne ta a van no a cun ah “treasure” cu a í hok cka ah Mang ci ah mong cu ng’ngahtüh ba vai ah chütäm gui ciah Kya ci. “Nang no na shänmko gui yoi ne na gän äp vai” ciah Boi ah ng’thu cu pyein ne Christian k’chang gui Khanpughi no a na peit gui ah letsawng keisu gui kä ng’vang ein ne k’chang gui ah ni bä nak vai ah peit tak vai a k’tung pi ah hlü tu ba ci gui am peit tak vai ci ne pyein ci. A cun ah peit tak nak ung khoh tang bäng ah kä Kya hleih mi mi ung om ciah mi bi hnging gui, mi m’hngi nak, Mimi ah a ching, mi k’chü m’gein nak, mi om k ‘ihngui gui phih mi peit tak vai ci ne pyein ci