St. Mary Major Phayakyawng gänap nak ah poi

Roma Mânggo ung om ciah St. Mary Major Phayakyawng cu Papa Shangpughang a k’thum nak Sixtus no Council of Ephesus a thinghmat ah Christu kum 435 ung a gänap ah kya ci. A cun ah Phayakyawng ung ng’Lamihta Maria cu Khanpughi ah Nu ah kya ci ci ne a mi m’lä m’khang ah kya ci. Bä ciah Maria am a mi gänap ah kya ciah Roma Mânggo ung a k’htükpi k’bäih ah Phaya kyawng ah kya hleih Major ci ne a ng’ming a mi peit ah kya ci. Ng’lamihta Maria no a m’dang ah ghumaa ng’yung na ne ( Our Lady of Snow) Keimi ah hluitak ng’lami ci ne phih a ng’ming a mi chü ah kya ci. Thum teng ba ah a kya ung Maria cu John ciah ng’ming nak ciah k’pamihta am m’dang ne a ni a m’hlüngtai nak ah khom’dek ghong ci ung a ni ka vai ah ci ne phayakyawng tumat a coh peit vai ah ng’yak hlü ciah pein ne m’dang ci.

A cun ah a phayakyawng a coh vai a ng’yak hlü nak ah khom’dek cu kho cha yah ung hluitak gui cäicat vai ah be hti ciah kya a m’dang ah kya ci. A cun ah kya hleih Christu kum 352 ung Papa Shangpughang Liberius no Esquiline k’päng ung Phaya kyawng tumat a coh ah kya ci. A k’hngu ah a cun ah Phaya kyawng cu m’däm ne Christu kum 435 ung Papa Shangpughang a k’thum nak Sixtus no konkyi a peit ah kya ci. Boi Yesu a ng’tüi lo yah ung a ng’yän nak ah Bethelem Mänggo ung ka üm nak vai ah ng’kho cu a cun ah Phaya kyawng ung a mi htin ah kya ci.