Papa Shangpughang no 2025 August k’cha ung ka vai a k’taigü nak
Christu kum 2025, August k’cha ka vai Papa Shangpughang no a k’taigü cu tumat ah phäh ah tumat a om vai ci ne a k’taigü nak ung kä täng ci gui ah k’chang gui a mòng, ghunkho mòng lah yum nak ah mong kä cun ah a Kya ung ng’ngaih tüh gui a mòng lam ung k’chang ng’bum ng’htoi gui cu ghunkhaw ung ng’genam nak gui Ning ne k’taigü ne, mi mi gui mi ng’hnguh hmay ng’htako nak vai ah lam gui shui ne ng’phäi na k’hteh vai hlü ah om hnging vai ah lat ne k’taigü hnging vai ah na chü thäm gui ci.
Atäng ah om vai ah kä ng’hloi ciah k’chang ng’bum gui cu kä täng ci gui ah k’chang gui a mòng, ghunkho mòng lah yum nak ah mong gui ah phäh ah ng’ma ng’chum ne buiawt ah k’däk nak gui ung a shung kä pe ein vä ci ne Papa Shangpughang Leo no pyéin ci. Cun Kon ah Papa Shangpughang ah pyein cu kyükyok ne mi ng’cha ng’tai nak ung VA mi om ciah Kya ci. A k’hmät mi mi gui cu ng’phäi na ng’phäi na mi Kya ci ci cu k’hmih ne ng’vong gui co ne mi mät hta gui bäng vai hlü ah mi ci ci.Htitheing ca muh Khanpughi a lo hlak vai ah Boi Yesu am tumat lah tumat ng’hmat vai, ng’ngaih tu vai, m’nai tu ne k’chü m’gein nak awn a täng ah om ba vai ah ci vai. Cun Kon ah Htitheing ciah Muh Khanpughi hnguh ne ng’htako püi vai ah lam shui vai, kä kyüh ein ne Ling gai vai, ng’phäi na vai hlü ah ng’gen am nak gui m’shang tu ba vai, ng’cha ng’päng nak kä kyüh ein ne a hei gui am m’lung shoh k’hmon peit vai ci ne Khanpughi am k’däih ne shang ci.
Source: Vatican News
