Papa shangpughang Leo XIV nak noh “Jubilee of Youth” bi khai lo ci gui ah k’hmo-tho gui do gui ci.

“Jubilee of Youth” ci neh Khanpughi m’tam nak ung lo ci gui ah k’hmo-hto gui cuh Papa shangpughang Leo XIV nak noh do gui neh a pyein nak ung ” Bawi Jesu yum nak ung a täng a mi hteit ko” ci neh pyein ci.

Bawi noh a pyein na” Nang mi cuh shin a m’kho m’dek ah m’shi ah nami kya ci. Nangmi cuh shin a kho m’dek a a k’khang a nami kya ci” ci cuh nami shum ba vai. Tuh ngoi nami k’o, nami ngngah tüh, nami thüikyah gui avan Bawi Jesu kavai a kya hlä, Kho m’dek a va gok nak a chüt ng’yak u hlä ci neh pyein ci.

Nang mi cuh “äp nak a Jubilee ah nami kya ci. Nang mi cuh acun a ng’thu k’ni ah nami kya ci. A cun cuh k’chang shing päng a nami hteit püi vai” ci neh pyein nak gui ci. Mikmi gui cuh dimkyap nak mi kya vai, dimkyap nak mi hteit püi vai hlü ci. Dim kyap nak vai mi k’taigü ko. A van no mi shui ah a k’khang nak cuh mi hteih püi ko.

Archbishop Ficishella noh ” Ghüng lo ba ca Bawi Jesu nami ng’khan vai kä nami kyüh vai ci neh pein ci. Bawi a ghün lo ba cuh mi yum neh yumtuk’chang gui mi kya lo ci. Christian ci ah mi kya lo ci. Bawi ah a shih, a ghün lo ba cuh mi pyein vai kä nami kyüh en vai ci neh k’hmo-tho gui am pyein na gui ci. Bawi ah hngu ah nami läk vai, ani ah k’thagui nami lak vai, ani ah a hngu ah a k’ni ah k’tha nak neh nami läk vai ci neh phih pyein ci.

Source : Vatican news ( Jubilee of Youth)