Bä ciah Peter Christologus ah ghinlu a mong

Bä ciah Peter Christologus Revenna Mânggo ung Taigü Mâng ah kya ci. Christu kum Italy ghunkhaw Imola Mânggo ung  Roma Mang im kä dìmkyäp yah ung ng’tüi ciah kya ci. A ni cu Imola ung m’shi nak khan tu ci. A ni cu hnguh hmat vai hlü ci gui phung a van ng’thei ng’thang ne Deacon tumat ah kya lo ci. Christu kum 424 ung Revenna Mânggo ung ka Taigü Mang shih hleih a ni ah hngün thong khai ah ng’hloi tub a khai ci ne awn Cornelius cu Deacon Peter Papa Shangpughang hnguh khai ah hteit ciah kya ci. Revena Mânggo cu Roma Mâng im ah Mânggo k’tung ah kya ci.

Peter cu k’chang hei gui ah ta phih a m’thei m’thang ni tu ba ciah kya hleih Christologus ci ne a mi hlui ah kya ci. A kya ah ah a pyein hlak gui ni ci ci ne ng’phlan ciah kya ci. A ni ah m’thei m’thang ng’ngaitu ci gui a mi pong vai kä ng’yak hlü ne a pyein gui cu a kya ah toi hta ne lang ne ta mä ni ciah van no hmat khai ah m’thei m’thang ci. A shäng shäng Boi Yesu ah kyä ei ok vai cu k’bäi ciah kya ci. A ni cu Christu kum 450 ung shih hleih a cun ung ka no kä sho pha hleih yumtu ng’bum ah htuh kha ming poih a mi peit ah kya ci.