July 27 Bä ciah Pantaleon ah ghinlu a mòng

Pantaleon AD 4 ung Christian htamaadaw tumat ah kya ne Roma ghunkho mâng gui a mi goipyam lo ung m’htei m’hta gui ciah k’chang ah kya ci. A ni cu ng’vai lo ne a nu no a m’thei m’cäi gui man ah yum nak lam gui pheng ne hlokyan ciah ghinlu ung a mät ah ng’ngaih ah om lo ciah kya ci. A ni ah m’lung kyong ah a ng’ngahtüh ung ka no Christian m’thei m’cäi nak lam ah a ni ah m’lung k’nga tu a ng’tonghlah ba hlak ah kya ci. yumgong ah kya ciah a pa phih Christian k’chang ah a kya lo vai ah k’däk ne a m’lung k’nga ng’thonghlah hlak ciah kya ci. A ni cu duyai ci gui ng’khai na gui ne peit tak ne ngami gui a mi goi pyam ung seitui phu kä lake in ne a kholä ah m’htei m’hta gui ciah kya ci. A m’sha cu a ni ah k’taigü nak peit awn gai ba ci gui ah kya ci.

Diocletian no yumtu ng’bum leng ne a kalu lo nak yah ung Panteleon cu Christian tumat ah kya ci ci ne a ni ah ng’hnguh hmat nak gui a m’shah no Shanpughang am a mi k’chak ah kya ci. Roma ghunkhaw mâng gui no a ni pha ne chum ne ta a mi kalu na ne ta mä ngon vai ah chüt ah a mi ci ah kya ci. A ni a mi ngon kon ah a ni ah shi k’kyong gui lak ne Ravello ung om ciah Phaya kyawng ung a mi htin ah kya ci. Bä ciah Januaryu ah shi hlo ah shüm ba nak ah k’hngüp k’däm gui ung a ni ah shi cun phih shi k’chong ung ka no shi ah ng’hloi lo ba hti ci ci ne a mi pyein ah kya ci.