Papa Shangpughang ah ng’thu
Papa shangpughang Leo no ng’thu k’ni ung Boi Yeisu no Martha lah Mary ah om nak ah hteit ne a om tu cu k’chang hei vai hlü ah kä kya ein ne k’hnguh ng’hmat püi ah teihpüi vai hlü ah hteit ne om tu ciah kya ci cu na m’thei gui ci. Ng’pai nà goi no Boi Yesu dò ni ne Mary no Boi ah ko pei ah ngoh ne Boi ah pyein gui ng’ngai ci. Martha läi no Boi ah ei ok vai bi ne k’chin k’pha nak ci ci cu a k’tung pi ah Papa Shangpughang Leo no pyein ci. Mi mi gui ah a hngüp täi ghinlu ung a cun ah mong goi awn ghün vai ah k’tha nak yah ung Khanpughi lah mi mi ah ng’lak ng’hnguh ng’hmat ng’hta ko cu maa ne bi vai ah kya ci.
Mi mi ah ghinlu ung mi yum nak awn khäng htek hleih mi ghün vai hlü ci. Cung phih Khanpughi ah ng’thu k’ni cu ng’ngahtüh ne Muh Khanpughí ah pyein ng’ngai ne ta va mi bi hnging khai ah kya ci. A cun ah kya hnging vai ah mi mi gui düm hta ah mi k’taigü ne om vai hlü ci ne pyein ci. Cun kon ah kho chaa ah cu k’chang gui ka vai ah mang peit thei vai ci ne a mät no a bi man gui awn m’tung m’täng ne pyein ci. Kho chaa yah ung k’chang gui gunhtot ne m’htei vai, k’chang gui hmat vai ci vai lah k’chang gui ah pyein ngami gui ah thüihlei gui ng’ngaih peit vai yah ah kya ci ci. A cun gui a van cu m’hngi nak m’dang ci ci ne Papa Shangpughang no pyein ci.
