Bä ciah Philustrius ah ghünlu a mòng

Bä ciah Philustrius cu Spain ghunkhaw ah Christu kum 330 ung ng’tüi ciah kya ci. A ni cu Brescia Mânggo ung Taigü Mâng ah kya lo ne a cun ung ka no Italy ghunkhaw ah ng’phlon ci. Taigü Mâng ah kya ne Khanpughi ah mòng lam gui a bi loh yah ung Boiyesu ah a mòng gui lah a bi loh gui nak yumtu ng’bum ah m’thei m’thang cu ng’hngu ng’tuk püi ciah Arianism cu a cun yah ung a kya ah awng tang ciah kya ci. Arian yum gong cu m’kat ne kä k’bäi nak ah ca uk a guk cu a tuhgüt om ciah kya ci. Maapi k’bäih ne AD 3 ung yumtu ng’bum ah yum nak gui pheng ciah vuata cun phih m’htoi ne a bi ah kya ci.

Bä ciah Augustine no AD 383 ung Milan ung Philastrius ah lo ne hnguh lo ne a ni no a guk ah ca uk tumat ung a ni ah a mòng guk ne m’dang ciah kya ci. Taigü Mâng a k’daa no Arian yum gong cu m’kat ne kä k’bäi nak ah ca uk a guk cu k’bäi yum u ne a ni ah hngip hngäi nak, a dímkyäp nak, gui a mong cu hnguh u ne m’tam ci gui ah kya ci. A ni cu Christu kum 387 ung shih hleih St. Andrew Phaya kyawng ah a mi k’phuh ah kya ci.