Pope Leo ah ng’thu

Pope Leo no ng’ngaih ú nak cu khokum a gùi a ken awn kä seng hleih yei khai nak ah a ng’ yung pya ah kya ci ci ne pyein ci. Papa shangpughang no m’täng ne a pyein cu Abram lah Sarah, Sachariah lah Elizabeth, Mose, nga mi gui vang ng’ngahtüh ba ne ngami gui cu a mi ghü ng’vai lo kon ah Boi ah ng’pyhon nak ah bi Salvation ung a mi bi tu a mòng cu pyein ciah kya ci. Ng’thu k’ni gui vang ng’ngahtüh ba a kya ung ghü ng’vai lo ci cu Khanpughi ah bäkhak nak ah kya hleih maapi kbäih ne ng’ngaih äp nak cu ng’dang ciah kya ci .

A cun ah ghü vai lo ci gui no Christian ng’bum im lah khom’dek ah ghinlu cu ng’shon ne ng’däih hlak ciah kya hleih ngai mi gùi cu a mi hta k’hmo ah gunhtot nak a mi ng’yak hlü tu lang ne phih a mi hnguh hmat nak awn a k’hmo gui no maa lam ah a mi bi loh hnging vai ah gunghtot tu ba hnging ci gui ah kya ci ci ne pyein ci. Khanpuhhi no mi mi gui am ghü ng’vai lo cu a ni ah bäkhäk nak hngün ah hnguh ne a cun ah ghü ng’vai lo ci gui cu a ni ah phäh ah ng’ngai u nak ah a htük pi ah htethtei ah hnguh ci ci ne na m’thei gui ciah kya ci.