Dukla Mânggo ung om ciah bä ciah John ah ghinlu a mòng

Bä ciah John cu Christu kum 1414 ung Poland ghunkhaw Tarnow ung ng’tüi ciah kya ci. A ni cu a k’hmo yah ung a ni ah om nak ah Mânggo awn ng’et ci ung Yahteih tumat vai hlü ah kyünhloi k’taigü ne om man ciah kya ci. Christu kum 1440 ung a I cu Lemberg ci ne a mi chü man ah Ukrine ghunkhaw ung om ciah Franciscan ng’htoi gui no lälam gui nak ah hteih ne ng’pong tu ciah kya ci. A ni cu Khanpughi a mòng lam gui thähla m’thei m’thang ci lah a cun ah ng’htoi ung a ng’vai tumat ah kya ne a ghinlu gänap ne ta Christu kum 1463 ung ghuih ne m’hteng ciah läk lam gui awn a mi ghinlu peit cia gui ah Observant Franciscan un glut tu ciah kya ci. Poland k’chang gui no a cun ah ng’htoi am Bernardines ci ne a mi chü ah kya ci.

Däm ciah m’hngi nak lah k’chang ah khan ah k’üp ne m’lung ng’shäi khai ah läklam gui awn k’poih ba ciah a ni ah ghin lu cu peit tak ne Jerman k’pak khui k’chang gui awn a mi k’bum ah ng’htoi gui ah hngu ah Khanpughi ah mòng lam gui thähla m’thei m’thang ciah kya ci. A ni cu a mik no a í phih kä hnguh lo ba kon ah phih a ng’däih ah Khanpughi ah mong lam thähla m’thei m’thang ciah kya ci. Bä ciah John cu Christu kum 1484 ung shih ciah kya ci.