papa Shangpughang ah ng’thu

Papa Shangpughang Leo 14 no kyün hngüp täi k’hngüp ng’ling, Angelu a m’cu yah ung Kho m’dek k’chang gui am a pyein cu mi mi gui a van cu Khanpughi ah mòng lam bi vai ah Khanpughi no a na chü gui ci cu ng’yung na ne mi mi gui cu yum nak ung ka no a hngüp täi ghinlu a k’ni ah gänap ne Khanpughi am peit tak vai ah kya hleih Khanpughi ah laimaa ah bi bi ciah k’chang ah kya vai ci ne pyein ci. Actus ung om ciah hlúläk k’chang 72 am Khanpughi ah mòng lam thähla ne a mi m’thei m’thang vai ah Boi Yesu no a tüih gui man cu pyein ne Boi Yesu ah ng’thu k’ni ah ng’ngaihäp nak cu k’chang gui a van ka vai ah phäh ah kya ci ci lah geitko khäp vai gui daa tu lang pang hleih phih bi k’khai kyen ci ah ng’thu k’ni a mong a pyein nak ung kaomdek cu dîdam nak gui awn uk chüp lang hleih tuhchü k’chàng gui ah m’lung ung cang lam ng’yak hlü u ne taga nak cu shuilei m’kon m’khe ci gui ah kya hleih a cun gui awn Khanmopi ghinkhaw ng’yak hlü cu ng’dang ciah kya ci.Khanpughi cu ng’khai ciah phú géit ciah Boi ah kya ci. A ng’shün a ng’däih ah k’phyon nak, kyümbe ciah ghinlu, a shün a ng’däih a ng’däih ah om ci ng’yakhlü gui cu k’chàng gùi ah m’lung kyawng ah a kholä ah a phu peit ah kya ci . Yum nak ah bi bi ciah k’chàng ah na bi kya yai. Nang mi ah yum nak cu a pung ah bah ah seal ah kä kya ein hlä. A í ah kya hleih ci ung Khanpughi no a ni ah lai maa ah a m’lung k’tha pyha ne bi bi khai ng’yak hlü ci ci ne pyein ci.