(14)nak kyün k’hngüp ng’neng
Jesu nawh a-hlu-läk k’chüihkip-leigoi tüì gùi ci.
Cun kon-ah Jesu nawh a k’chàng hei k’chüihkip-leigoi ghü gùi neh a mät-ah htehnák vai-ah pigò gùi päng-ah, k’hngih hti, k’hngih hti-ah tüi gùi mà ci. Ngami-àm a m’cäì lo gùi cuh, “Khäm vai-ah géit kó dá ci. Bi khai kèn ci. Cun-ah kia hleih khäm khawi tu khai gùi, ghüh neh a tüih lo gùi vai-ah, géit mah-ah mà-ah, nami ng’hui ng’panák vai néi. A tuh-bäih ng’düí lo vä. Nang-mi nami htehnák vai cuh, kong-ng’hngei gùi-ah ng’lùng-ah, Htòme gùi chah vai hlü-ah, ka ning tüì gùi ci. Ngùi ng’it, ng’zá, khaw dawk, cun gùi, kä nami hteh-èin püi vai. Lam nami hteh zah-ung, a u phih kä nami ng’htà-èin püi vai. Nami luhnák-ah im päng-ung, “Sin-ah Im-ung dìmnák om hlä,” ci neh mà neh nami piéin vai. Cun-ah im-ung a m’lung ni ci-ah k’chàng a om-ung, nangmi-ah dìmnák cuh ani-ung om kh Kä cun-ung, nangmí-ah lo bà khai. Cun-ah im-ah om tu neh ngami-ung om ci-ah ei vai cuh, nami èi áwk tu vai. A i-ah kia hleih ci-ung, bi bi ci nawh ng’khéng gah chin ci. Im tumat-ung-kah nawh tumat-ah, kä nami m’hlan èin vai. Nami luhnák-ah pigò päng-ah, ami ning m’ih-m’omnák gùi päng ung ami ning m’bei tu gùi nami ei tu vai. Gàw-pài ci gùi phih, m’gái bà gùi vä. k’Chàng gùi-àm phih, “Khãnpùghí-ah ghin-khàw gok lo ci néi,” ci neh nami m’thein gùi vai.Pigò tumat kù-ah hteit u ci hleih Kämi ning dàw gùi-ung, lam-ah hteit bà u nehtah nami piéin vai cuh, “Keimí-ung kop lo ci-ah nami pigò-ah m’vut hngo, kami k’hmút ghüt ci. Cun tu pang-a phih, Khãn-pùghí-ah ghin-khàw a ng’et lo cuh, nami hmat vai. Nangmi-àm, ka piéin cuh, cun-ah k’hngüp ung Sodom hngo, ngami hlok-ah kä zái khai.
