Khotui a mòng
Htâhtanâ ah kchàng hlû mòòng mthêimthàngnak mkhäh ca gui ung. shin ah mkhäh ca on kbénak on mi bùichúm ah aktén ah na shàng gui ca ngcétngcâm ci gui gählêi vai phäh ah nghûinak hnguh hmat vai akdá ah na gung gui khai ciah ka ngngaih äp ci.A khòtüî pèingléng on pahtak ca tuhkbäih kchü ung kchàng gui no ami bùichúm ah nggó nggài ci gui cuh htikpán hnguh hmat kchàng gui no shùi ktä neh ami gah ah mhlánnak gui ung ngyung neh teng mhteih nak gui apí kchù ka mdáng hlü ci.Cun ah mdángnak on cun gui cuh mikmí am a shin ah a nggó nggài na hnguh hmat hlak gui neh kdäih neh bi vai ah pahta mòòng ngmùi mcha lam a nghngün ah mang ah tün pongnak gui na gah hlak gui khai.Kei cuh akhòtüî mhtéimhtà hüngnak lam biloh mòòng cuh thùng màn ah biloh nak gui on nggui ngpán hlak vai Jew gui lah Christian gui ah mthêimthàngnak gui ung ngyung neh ngyungkhong nak ah lam vátàh amshah kaning ngah-tüh gui hlak hlü ci.
Cun kòn ah tuhkbäih a mòòng lam ka vai a ngyung khong gui shùi neh hnguh vai kthának hlu on a nggó nggài gui ah phäh ah mneh m’oh nak gui bäng kthá na neh shûilêi ah kä kya neh a cun gui a i ah a kya lo ah mòòng a ngyung khong gui cun phih mi hngu khai kya ci.A cun ah biloh nak cuh akhòtüî pèingléng mòòng a nggó nggài mà neh gählêi nak ung khòmdek nglêilài ung kchàng gui ah chà tu hngá ca màmòòng lah kchàng lah a hngéitpèi a ngshün ngphannak hlüi tä ca gählêinak om lo hlak khai.A cun ah ngah-tüh nak ung ka no gah lo ah phäh ah kchàng päng cùm päng neh ghunkhò päng ah vátàh nì lam gui. kbäî ah kkhân ah chüt gok hlak khai nggèngshòinak lah biloh nak gui ah phäh ah phyah hleih khngà kphlàng nak kaning mthêin gui hlü ci.Akhngú pí ah a mòòng lam gui ngthong nghlatnak a om lo vai bilohnak ung kthá pe ca bü cèngnak gui lah pyinnya péit bi ngtääp gui kä bòi hleih kä bi hnging ah móòng mi hngu hmat lo u neh kchàng gui ah däm täì vai phäh ah hlü ca lam mshümnak amshah christian yùm ci ktû gui ah pâhtâ mòòng bùichúmnak gui ah khohtang kkhèi im ung ngyung neh kaning mthêi gui hlü ci.
