Bä ciah John Francis Regis ah ghinlu a mòng

John Francis Regis cu Christu kum 1597 january k’cha 31 ung ng’büh ng’mang k’kyawng khui ung ka no ng’tüi kiah kya ci.A ni ah ghinlu a k’dâpi Pyinhtit khaw Fontcouvarte Mânggo ah pei ung ghing om ciah kya ci. Beziers ung kyawng a kai ng’päng  hleih Jesuit Boiphaya tumat ah kya tu k’khai ah a m’lung phukpit ne Christu kum 1616 Toulouse ung om ciah Jesuit kyawng ung hteit tu ne Boiphaya a kyat u nak vai ah a khai tu ah hnguh hmat vai gui a van kä ng’thei ng’thang tup ha ung Plague yoka no cu ngami ah ng’htoi ung om lo tu hleih a ni cu kho k’pung lam ah dong ne a cu ah yoka ung ka no pyhong ciah kya ci. Chrsitu kum 1630 ung a ni cu a teihpüi gui awn a täng ah Taigü Boi ah kya lo tu  ne Plague yoka gah ne yai ci gui ah goi pyam ciah Boiphaya gui cu m’htei ci gui ah kya ci.

A ni awn a täng ah a k’goi gùi mg’htei ci gui ung ka tumat shih lo hleih John cu Pamiers ung kyawng Saya tumat ah kya ne Montpellier ung Khanpughhi ah mòng lam gui  leng ne bi ciah kya ci. A cun ung Huguenot gui noh a í ah kä kya ein thei ci gui ah a mi k’kep gui ah phäh ah Kahtolic k’chàng gùi a k’dâ a mi mät ah pyhon nak vai lah a mi mät no a mi mät a mi ghun hnging vai ah phäh ah a mi yum nak awn ng’phak ci gui cu a van nong ghüt yop ci gui ah kya ci. A cun ah kya hleih a ni ah k’poih ba ciah a ghinlu cu yum nak lam ah k’tha khen lo ci gui a mi yum nak ung a mi ghin om lo ba vai ah lam m’shüm gui ciah kya ci. A ni cu duyai ci gui lah a mi nong gùi düt ah k’chang gui ka vai ah a kyâ ah k’tha na ne bi bi ciah kya ci. John Francis Regis cu Christu kum 1640 ung a ten hta ah bong bai lo ne shih ciah kya ci.