Bä ciah Oliver Plunket ah ghinlu a mong
Bä ciah Oliver Plunket cu Christu kum 1654 ung Roma mânggo ung Ordination khan ciah kya ci. Oliver cu Tamah hnguh hmat k’chang tumat ah kya ne Ireland ung om ciah Armagh ung Taigü Mâng tumat ah phih kya ci. Ireland ung naingan yèi lah yum nak lam ung a mi ng’gen ng’am nak a om yah ung Plunket am a ni ng’vok gen püi ci gùi no a ni ah kä ci gui a gong k’puk u ne kya u hleih a cun ah phäh ah phak u ne ta Plunket cu a k’cang ah a mi pyein ah hlo ah kya ci ang ci cu a mi hmat vai ah London ah khah püi ne ng’ shi k’ca ci gui ah kya ci. A ni cu thong khui k’kyòng ah ka no ca ng’lep tumat guk ne a ni m’kat ne a mi puk ah va kya ci ci cu a k’toi hta ah guk ciah kya ci. Kei cu Ireland khaw ah Kahtoklic yum nak ah mòng gui a m’hlüngtai vai phäh ah k’chang k’chüihkip cu m’htoi gui ciah kya ci.
A ni no a pyein cu “Kei cu Carlingford tui k’kam nu cu Pyinhtit ah kut ung m’ap vai ah a bi ge ah kya ci. Ngami gùi ah mang vai ah ngui gùi cu hlok ci ci ne a mi na k’puk ah kya ci. A cun ah kya hleih a cun ah a ki puk gùi cu a cang ah kä kya ci ne ci cu hmat lo u ne a mi nong ah kya ci. A ni ng’hngu ng’tuk püi ne a ni kä yei nak ciah k’chàng gui no a k’hngih vei nak ung a ni a mi ng’shi k’ca ba vai ah pong ba u ne a cun cu Kahtolic yum nak ung vuata a k’pyhan ah phäh ah a ni ung kat nak om ci ci ne k’puk ba mä ci gui ah kya ci. Oliver Plunket cu a shi vai kä kyük ciah kya ci. K’chàng gùi ah phäh ah a om k’ih awn läk hlü vai ah lam m’shüm ne kho mang hlü ciah m’lung cu a ni ung om kheng geng ciah kya ci.Boi Yesu Christu no a ni ah kyühkyok nak, yaica buiawt nak gùi ung ka no kei na k’pyhon ciah kya ci. Kei ung kyühkyok nak ci cu a í phih kä om ciah kya ci. Kei a mi n angon nak vai ah a mi nak hah püi nak vai khok’hngüp cu a cum ah ka k’äi ci ci ne pyein ciah kya ci. A ni cu Christu kum 1681, July k’cha a hngüp ät nak ung gui awn chit ne a mi ngon ah kya ci.
