Pope Leo IV noh Bawiphaya kya khai gui m’cäi gui ci.

Papa shangpughang Leo IV noh kho m’dek a khan a om ci gui ah Bawiphaya kya khai gui am “Bawi Jesu ah ni bä nak, chü m’gein nak cuh nami m’dang vai. Sin a kho m’dek cuh Aana ciah avan noh yum ca kya ci. Bawiphaya kya khai cuh “k’chang gui m’hngi thei khai” ci ci. Mikmi gui cuh “m’hngi nak a kyawng im” kya vai lah Bawi Jesu ah m’hngi yei nak läk tu vai kya khai ci ci. A shin gui cuh Continent k’hma ung om ca Bawiphaya kya khai gui om June 24 ung pyein nak gui ca kya ci.

Papa shangpughang a hteit yah ung ” Pope Leo” ci neh m’la ci gui. Koyin gui noh phih do chan nak bi ci gui ah kya ci. A cun nung Papa shangpughang noh ” Nangmi cuh nami hteit thon düt ca kä kya ci. Yum äp nak on mi hteit ci a kya ci. Nang mi cuh Htitheing ca Muh ah pyan nak on nami om vai nami k’tha nak khai. Khanpughi shüm hmat vai, K’chang chü m’gein thei vai lah k’chang yei nak thei vai cuh hlü pi ci cineh ” papa shangpughang noh pyein nak gui ci.

Spanish k’chü on a pyein nak ung ” Bawi ah hu ah nami läk vai a nami ä tu cuh nami bä ah kya ci. Kä nami kyüh en vai nei” ci neh pyein nak gui ci. K’tha gui nami ken nak gui ” kyüh kyok nak, thui hlei nak, kä yum nak gui avan cuh Khanpuhghi ah lo püi neh nami pyein vai kä nami ng’aa en vai. K’tha gui nami ken nak, kä na mi ng’kyüm be nak, nami yei ca nak gui avan cuh Bawi ah ni bä nak on k’be neh Paschal kawngyi ah m’hlat vä” ci neh pyein na gui ci.