Yohan Baptiststa ah a ng’tüi nak hngüp

Ng’lami hta Maria vai hlü ah Yohan cun phih Khanmopi ah a mi chan kon ah kho m’dek ah k’khan ah phih a ni ah ng’tüio nak ah poi cu a tung ah a mi bi ah kya ci. A ni ah nu lah pa cu Khanpughi ah ma ah ng’shunghei ci goi ah kyat u lang pang ni hlelih phih Elizabeth cu shing ne kä hta tu hnging ne kya ci. Kho k’hngüpät ung Zechariah cu Phaya kyawng ah Missa gänap ne a kya yah ung  Khanhtapup no ng’dang lo ne Zechariah kä ng’ä ein ä. Nang ah k’taigü cu Khanpughi no ng’yak ne na k’chu Ellizabeth cu k’pami hta ah hta khai ah kya ci ci ne pyein hleih Zechariah no kei ni cu ka ni ghü lo püi ci ci ne pyein ciah kya ci. Khanhtapup Gabriel no nang cu kei ah pyein kä na yum ciah kya hleih ka pyein na mong gui kä kya pha ung kä nang ng’hta ba thei khai ci ne pyein ci.

Elizabeth hta lo ne kho hngüp k’chüit sho lo hleih a ng’kho ng’chang a phäina gui lah a im pei ka gui lo u ne a hmo a kyon vai ah pyein ci gui.  Ngami gui no a pa ah pakhui ng’ming awn Zechariah ci ne hlui vai ci ne pyein u hleih a cun Elizabeth no kä k’bäi ne a k’hmo ah ng’ming cu Yohan ci ne hlui vai ci ci. Ngami ah K’kyawngkhui ung shin ah ng’ming k’hmät phih kä om man ci ci ne a phä na ng’kho k’chang gui cu cäi ci gui. A pa Zachariah no phih a k’hmo ah ng’ming cu Yohan ah hlui vai ci ne ca awn guk ne pe gui ci. A cun ah a guk lah Zechariah ah m’gong cu ng’mong lo ba ne Irael ah Khanpughi nang Boi cu na bä ci ci ne m’tam ci. A k’hmo cu a shäng hta ng’vai lo ne Muh htitheing awn be ciah kya ci. Israel pak’khui chang gui ah hngu ah kä ng’dang pha ung hla lai ah om ciah kya ci.