Hti Theing ca Muh Khanpughü Hmakat nak
Kat nak ci cuh i-ang? Hma kat nak ci cuh Khanpughü-ah m’thei m’thei m’cäi kä ng’ngaih-ah m’lung,m’gong ,bi loh gui-awn kat nak ,Khanpughü-ah m’thei gui ak’ni-ah kä bi neh hoi am’kyai-ah bi loh -ah kat nak gui gui cuh hma kat nak ci-ah kia ci.
Hti theing ca muh Khanpughü kat nak cuh ,Hti theing ca muh Khanpughü cuh kat nak om ca k’chang gui ng’yu ba neh lam k’ni-ung ami gok lo ba vai ceisu k’tha gui pe ci. A cun-ah ceisu k’tha gui gah ci-ah kat mah k’chang gui cuh ng’yu ba neh hmakat phion nak Secramentu bi ba ci gui .Kat nak-ung-ah phyong ba ci gui. K’tha kyen hleih kat nak-ung luh ba-ung luh ba hngo vai. Cung phih ng’yu ba neh hmakat phion nak Secrementu bi ba neh Boi Christu-awn ät ca ghün nak cuh hti theing ca ghün nak lah Hti theing ca Muh Khanpughü noh ayum-ah ghün nakj-ah phih kia ci. Cung phih kat mah k’chang cuh Hti theing ca muhkhanpughü-ah k’tha gui kä lah neh kä ng’yu ba ca k’chang cuh Hti theing muh Khanpughü kat nak ca kia ci.
Catholic yumtung’bum-ah m’thei m’cäi nak-ung Hti theing ca muhkhanpughü nak ci cuh angoi-ah phih kä phyong khai , cun nak k’chang cuh ak’cum-ah kat mah -ah kia khai.Khanpughü-ah m’gein nak cuh kä ng’pyi hnging ci. Cung phih kä ng’yu ba neh khanpughü-ah m’gein nak mak ci cuh Hti theing ca muh khanpughü noh a gän-ah m’gein nak lah phion nak cuh mak ci.
Kaat bi nak-ung k’tha akyen nak lah m’gäi nak ci-ah om ci. M’gäi ci cuh kat nak hmat tu lang neh bi ci, ni khai hmat tu lang neh k’chen ci, cungui cuh Muhkhanpughü-ah lam m’shüm nak m’sheit ci. K’tha akyen hlu-ah kat nak-ung lut ci cuh Muhkhanpughü-ah lam m’shüm nak do neh ng’yu ng’yon ba ci.
Hti theing ca Muhkhanpughü hma kat nak mong (6) om ci .
(1) Ng’ngaih u nak maih neh m’hngi nak lah yum nak phih maih ca k’chang kia ci. A hngu-ah a mät noh amät ngon ca chüt gok ci.Hti theing ca Catholic yum nak m’thei m’cäi nak-ung m’lung ng’shi k’tha ng’kyak ci cuh phion nak vai phäh khanpughü-ung kah gung nak gah vai,(or) mät-ah kat gui-ah phäh-ah m’gein nak gah vai phäh ng’ngaih u nak amaih -ah kia ci.
(2) Phion nak cuh Khanpughü-ung ka kä kia neh mät-ah k’tha nak-awn gah ci-ah ng’ngaih nak (or) phion nak cuh mät-ah bi-ah ci kä kia neh Khanpughü noh hmat khai ci-ah ng’ngaih nak ,kä ni ca ma mong gui ang’päng vai phäh Khanpughü-ah ceisu k’tha gui shan nak lah ng’ngaih u nak gui kia ci.
(3) Bä neh cang ca hti theing ca among gui cuh kä ni ca m’lung-awn ng’toh püi-ah kia ci.
(4) K’chang tumat-ah m’mü m’cha täng ni khai abi loh gui cuh ghü sheit nak gui kia ci.
(5) Kat nak-ung m’lung m’däm-ah kia ci.mät noh mät a k’khak-ah ng’ngai neh po k’chang i kä hngu tu neh ,mät-ah kat nak hmat lang neh kä ng’yu ba neh om-ah kat nak-ah kia ci.
(6) Ng’müm’cha ka vai täng-ah kä ng’ling kä k’ching-ah kia nak gui lah shih lo vai-ung kä ng’yu ng’yon ba ,khanpughü noh ana peit-ah ceisu gui cuh m’lung-ah ling-ah m’shing neh ma nak gui-ah kat nak-ah kia ci.
